Qazir baıqasańyz, árkim bir dúnıemen kúresip júr. Bireý teksizdikpen, bireý tektilikpen, bireý dinsizdikpen, bireý dinshildikpen, bireý qunsyzdyqpen, bireý qundylyqpen kúresip áýre. Nege áýre? Qor bolyp beker ótip jatqan ómir deseı. Olaı deıtinimiz berekesi joq jalǵannyń jalǵanshylaryna aıǵaıshy bolyp, tobyr kóbeıtkennen basqa túk sharýa bitrip jatqan joq sıaqtymyz. Esh isimizde bereke joq, ne ortaq ıdeıa joq. Bári bilgish. Bári ǵulama. Mynaý jabaıy órkenıetti qoǵamnan bir mı aqqan jandy kórseń kóziń shyqsyn. Shetimizden bárin bilip turǵan zalymbyz. Ne kerek búgingi tiriligimizge qarap osyndaı sheshimge kelmeske amalyńyz joq.
Já, aıtpaqshy bolǵan taqyrypqa oralsaq. Iaǵnı keıimeý erejesi.
Erkek bolǵasyn ózge jynystynyń minin tez kórgishpiz ǵoı. Tasada turyp tas laqtyrýǵa yńǵaıly ınternet aıdynynda, biraz jigitterdiń ózge jurtqa ketken qyzdar týraly ishi ashyp jazǵan bir talaı maqala, pikir, sol sıaqty dáıektemelerin kezdestirip jatamyz. Arasynda keıbir áıel zaty da bar. Bári durys, bári shyndyq. Biraq sol nıettes, pikirles baýyrlaryma aıtarym – eshqandaı da júıkelerińizdi tozdyryp, qusalana bermeńizder der edim. Qudaı násip etpegendi pende taýyp bere alama. Aıtaıyn degenim, Allanyń óz erejesine salsaq, zınaqor erkekke, zınaqor áıeldi. Pák erkekke, pák áıeldi qosamyz degen zańdylyǵyna saı, osy bizdiń ishimizdi ashytyp júrgen qyzdyr «laıyqty» baıyn, mańdaıyna jazǵan «jubyn» taýyp ketip jatqan joq pa eken. Iaǵnı, ol qazaqtyń qyzy bolsa da, onyń dúnıe tanymy, ustanymy, qyzyǵýshylyǵy, qylaıaǵy tamaǵy sol kápirı jurttan bolsa, onyń ústine ata-anasy ony soǵan laıyqtap ósirse bolmasa shektemese, bolmasa jolyna tura almasa, janyń ashyǵan seniń sózińniń olarǵa quny qansha. Al, myna jaqta jatyp alyp ókinip, opyq jegennen qazaqtyń kisápir nıetti qyzynyń mıyna qan júgire qala ma. Bile-bilseń qazaq úlken halyq, jalpy sanymyz on bes mıllıonnan asyp jyǵylady. Sonda oılańyzshy, ishinen júz myń, jaraıdy, kóp deseńiz on myń deıik, tipti myń shirik jumyrtqa shyqpaıdy deýge bola ma. Tas ǵasyrdy qansha keleke etsek te, beton ǵasyrda joǵaltqanymyz orasan. Aıtqan durys, jazǵan durys. Biraq sóz túgil óz týǵan shaqalaǵyn tastap jatqan «adamǵa» sózimdi almadyń, sózimdi jetim qaldyrdyń dep kiná taǵa alasyz ba? Iá, baýyrym, hal-jaǵdaıyn halqymnyń jaqsy túsinemin. Nıettes uǵylandardyń da kóp ekenin de jaqsy bilemin. Tek sabyr, Abaı aıtpaqshy «Sap, sap qóńilim, sap kóńilim» degendeı ketken qyz ketsin. Keıigennen bireýdiń bir jeri keńı me. İshi arsyz anadan qandaı urpaq týmaq. Solaı satqyndyqqa beıim adamnan qaı bir ońǵan bala órbimek. Shirik jumyrtqadan balapan shyqqanyn kórgen jan bar ma? Teksizdik qasiretin óz eline jaıatyn ondaı aram shóptiń bolǵanynan joǵalǵany, júrgeninen ketkeni jaqsy. Biraq mynany umytpasyn árkim! Óz eline kúń bola almaǵan qyz, bireýdiń eline hansha bola almaıdy. Al, óz elinde hansha bolǵan qyz, bireýdiń eline kúń bolǵysy kelmeıdi. Ózge jurtqa ketkeniń, sol elge kúń bolǵannan basqa ne? Til almaǵanǵa, qasarysqanǵa, kókbettengenge teris bata berse boldy. Assa kete bersin!
14.01.2017 jyl
