Saılanǵan prezıdent Donald Tramp brıtandyq Times gazetine bergen suhbatynda Reseı prezıdenti Vladımır Pýtınge sanksıany ıadrolyq qarýdy qysqartqan  jaǵdaıda alyp tastaıtynyn aıtyp berdi dep habarlaıdy bbc.com.

«Reseıge qarsy sanksıa máselesine keletin bolsaq, Reseımen kelisimge kelýge bolady. Ol úshin eń aldymen ıadrolyq qarýdy qysqartý qajet. Sanksıa Reseıge qıyn soǵyp jatyr. Sondyqtan eki tarap ta utatyndaı jaǵdaı oryn alýy múmkin» deıdi Donald Tram.

Sonymen qatar, Tramp Sırıadaǵy reseı kompanıasyn da synǵa aldy. Onyń oıynsha atalmysh kompanıanyń áreketi Sırıada sumdyq áleýmettik jaǵdaıǵa alyp keldi.

AQSH prezıdenttik saılaýynda jeńiske jetken Donald Tramp eýropalyqtardyń AQSH–qa  kelýin shekteý arqyly shekarasyn nyǵaıtatynyn da aıtty. Terrorlyq áreketter keń etek jaıǵan elderden kelýshilerdi qatań tekserýin qolǵa almaq.

Tramp AQSH-tyń syrtqy saıasatyn qatań synǵa aldy. Ol AQSH-tyń Irakqa basyp kirýi el tarıhyndaǵy eń qate sheshim degen oıda.