Redaksıaǵa Qaraǵandy qalasynyń turǵyny Janábilov Ermurattan hat kelip tústi. «Qamshy» portaly erkin oı-pikir alańy bolǵandyqtan hatty qaraýsyz qaldyra almady. Qazaq azamatynyń talap-tilegin, ótinishin oqyrman nazaryna ári talqysyna usynady. Eskere keter bir jaıt, avtordyń jazý ádebi men orfografıasy saqtalyndy.
«Sálemetsizder me? Men Janábilov Ermurat Amankeldiuly 1984 jyly 4 qyrkúıekte Qyzylorda oblysynda týylǵanmyn. 2015 jyly 31 shildede Qaraǵandy qalasyna kóship keldim. Jıenimniń bilim alýy úshin. 2016 jyly maýsym aıynda Erjan esimdi jigit Dýman degen jigitti úıge kvartıraǵa alýymdy ótindi, men kóp oılanbastan aldym. Dýman áskerı qyzmetker. Bir kúni Dýman meniń sotta, Qaraǵandy oblysynyń sotynda dosym bar dedi. Olar jumysqa turǵyzady, problema sheshýmen aınalysady dep aıtty. Men oılanyp jumysqa turǵym keldi. Sodan ne kerek jigittermen kezdestim. Qymbat kólikpen keldi. «Renjo rovr».Sodan keıin ishinde kelisim boldy. Olar meni jumysqa ornalastyrady, ol úshin $2500 berýim kerek dedi. Men kelistim. Keıin meni 16 qarasha kúni keldi saǵat 00:00-de. Men jumysqa turmaımyn dep aıttym. Sodan sol kúni meni qorqytyp kólikten túsirmeı qoıdy. Biz Qaraǵandy oblystyq sotta isteımiz, seni qurtamyz, ıýgtan kelgender qutyrdyńdar dep qınady. Saǵat 01:00 kezinde úıge basyp kirdi. 2 jigit: Rýslan esimdi jáne sotta isteıtin jigit. Meni kýhnáda qınap qorqytyp, qaltama nasha salatyndaryn aıtyp sýmkamdy aqtardy. Sol túni 2 saǵat qınady. Qolymnan meni qaryz dep qaǵaz jazdyrtyp jáne úı qujattaryn zorlyqpen alyp ketti. Jáne tańerteń nesıe alyp beresiń dedi. Sonymen qorqytyp Kaspı bankke aparyp, nesıe aldyrtty. 400 000. Eger tisińnen shyǵarsań, óltiremiz. 1 zvonok sońyńa polısıa qyzmetker salyp qurtamyz dedi. Ary qaraı shytyrman kıno boldy. Óte qorqynyshty. Qazir qaryzym basymnan asady. Qınalyp otyrmyn. Onyń ústine qorqytý-úrkitý. Men sengen quqyq qorǵaý organdary adamdary. Úıime qaıtatyn aqsha joq, ne isterimdi bilmeımin. Advokat joldadym. Ol kisi men qatyspaımyn. Men qorqamyn dep kesip aıtty. Ómirimdi byt-shyt etti. Endi ne isterimdi bilmeımin. Jıenderimdi oılaımyn olar ne bolady dep. Ómirim qor boldy ne isteımin. Bárin bir hatqa syıdyrý múmkin emes. Ótinem, sizderden redaksıa kómek kútemin. Qazir de qorqyp otyrmyn. Óltirem, kelem, ózin-ózi óltirýdi etemiz deıdi.
Janábilov Ermurat Amankeldiuly, 05.01.2017 j.»
Birneshe ýaqyt boıy Ermuratpen baılanysqa túsý múmkin bolmady.Nanǵa aqsha tappaǵan ol uıalysyn lombardqa ótkizipti. 13 qańtar ol redaksıaǵa mynandaı sms-hat joldaǵan bolatyn:«Sizden jaqsy jańalyq kútem. Mende esh amal joq. 1 aptadan beri úıde tamaq joq. Bittim, ne isterimizdi bilmeımin. Jaldanyp jumys istegenmin, aqsha bergen joq. Oǵan aryz jazyp tastadym «NurOtanǵa». Barsam aqsha joq deıdi. I vse kones. Sharshadym, ne isteımin bilmeımin».
«Qamshy» óz kezeginde hatta aty atalǵandarǵa jáne de avtordyń ózi kýáger retinde kórsetken Alekseı esimdi azamatqa da qońyraý shalyp, qulaǵdar etýdi jón sanady. Dýman men Alekseımen tildessek te Rýslan men Erjanmen habarlasý, ókinishke qaraı, múmkin bolmady.
