QR Densaýlyq saqtaý jáne áleýmettik damý mınıstrliginiń atynan jalǵan aqparat taratyp, jarnama jasaǵan Instagram paraqshasy áshkerelendi dep habarlaıdy QR DSÁDM baspasóz qyzmeti. Jalǵan paraqshada mınıstrliktiń atyn jamylyp, juqpaly aýrýlar jaıynda aqparat taratyp, ishekke túsken parazıtterdi óltiretin dárini jarnamalaǵan.
"Áleýmettik jelide jaryq kórgen kez kelgen aqparat Qazaqstan Respýblıkasy Densaýlyq saqtaý jáne áleýmettik damý mınıstrliginiń resmı ustanymy bolyp tabylmaıdy. Qazirgi tańda QR DSÁDM-niń atalǵan áleýmettik jelide resmı paraqshasy joq. Sondyqtan QR DSÁDM Aqparat jáne komýnıkasıa mınıstrligine tıisti sharalardy qabyldaý maqsatynda hat jiberedi" dep habarlaıdy QR DSÁDM baspasóz qyzmeti.
