Qazaqstandyq kásipqoı boksshy Qanat Islam óziniń 18-jekpe-jegin ótkizip, kolýmbıalyq qarsylasyn 5 raýndta sulatyp saldy. Bul týraly QazAqparat senkazakh.com saıtyna silteme jasap habarlady.
Qanattyń kezekti jekpe-jegi 7 tamyz kúni Kolýmbıanyń portty qalasy Barrankıláda ótkizildi. Bul - Qanattyń Latyn Amerıkasy chempıondyq belgisin 2-ret qorǵaýy. Esterińizge sala keteıik, kolýmbıalyq Fıdel Manterrosa men Qanat Islamnyń kezdesetini jaıly buǵan deıin habarlaǵan bolatynbyz. Ol osy aıqasyna deıin 43 kezdesý ótkizip, onyń 32-sin óz paıdasyna sheshken. 26 ret jekpe-jegin merzimnen buryn aıaqtasa, 9 kezdesýinde jeńilip, 1 kezdesýde teń túsken. Mine kezekti básekesinde Qanattyń soqqysyna tótep bere almady.
Al qandasymyz osyǵan deıin 17 kezdesý ótkizip onyń bárinde jeńiske jetken. Onyń 14-in merziminen buryn aıaqtaǵan. Búgin 18-jeńisine qol jetkizdi. Sonymen qatar, bul - onyń 15-shi nokaýty.
Qamshy-aqparat
