Qazaqstandyq kóripkel Baqyt Jumatova Qazaqstannyń bolashaǵyna boljam jasady, dep habarlaıdy caravan.kz
Qazaqstandyqtar óz shyqqan jerlerińe oralyńdar oralyńdar
– 2015 jyly men úsh jylǵa boljam jasaǵan bolatynmyn. Al, búgin 2027 jylǵa deıingi kezeńdi kórip otyrmyn, bálkim, rýhanı óskendigimnen bolar. Bul jyl barlyq qarym-qatynasta pozıtıvti bolǵanymen, óte aýyr jyl bolady. Alǵashqy úsh aıda, ádettegideı, úırený prosesi júredi. Keıinnen barlyq salada qarqyndap ósý jumysy bastalady. Eń bastysy aýylsharýashylyǵynda. Osydan tórt jyl buryn Aqtóbe oblysynda aýylsharýashylyǵyn jaqsartý kerektigin aıtqan edim. Halyqqa eń qajettisi – jer, et, kókenister men jemister, sol sebepti de qazaqstandyqtar bul máselemen aınalysýy qajet. Qazir ýaqytsha tirkeýmen barlyǵynyń basy qatyp júr, bunyń barlyǵy halyqty óz shyqqan jerine qaıtarýǵa alyp kele jatyr. Men Oral oblysyndaǵy aýylda týyp-óskenmin, aýyldyń qyzy bolǵanyma esh uıalmaımyn. Sebebi, naǵyz tabıǵı súttiń, qaımaqtyń, kartoptyń... ne ekenin jaqsy bilemin. Batys Qazaqstan oblysynda mal sharýashylyǵyn qolǵa alyp, damytsa eken deımin. Soltústiktegi bizdiń baılyǵymyz – nan, al ońtústikte – jemister men kókenister, Almaty qalasynda alma kóp ósiriledi. Osy aımaqtyń turǵyndary qoldarynda bar resýrstaryn durys paıdalanyp, jaqsy aınalyssa, bolashaqta úlken paıdasy tıip, elimizge kóp kiris alyp keledi.
– Aldaǵy on jyldyqta ne nársege daıyn bolǵanymyz durys?
– Qazirgi qıyndyqtardyń barlyǵy da ýaqytsha. EKSPO óte joǵary deńgeıde ótedi. Sport, óner, bilim, medısına salalary qarqyndy damı bastaıdy. Ǵalymdardyń nazary OQO Shymkent qalasyna aýdarylady. Sýdyń baǵasy úlken másele týdyrýy múmkin. Barlyǵyna ıe bola alamyz, tek sý tapshylyǵy bastalady. Basqa jerge ketip jatqan bulaq kózin jańartýymyz qajet.
– Fınans sektory kúnnen-kúnge quldyrap barady, bankter óz jumysyn toqtatyp jatyr. Barlyǵy da osy máselege alańdaýly, budan ári qaraı ne bolady? Qolymyzdaǵy qarajatty qaıda tapsyrýǵa bolady?
– Biraz ýaqyt ótkennen soń birde-bir bank qalmaıdy. Biz rúblǵa aýysamyz. Rúbl dollar men evrodan da qymbat valúta bolmaq. Meniń kórip turǵanymda Qazaqstan úshin bul tipten jaman emes. Eń bastysy, ózge elder jerimizdi jaýlap almaýy úshin shekaramyzdy nyǵaıtyp, abaı bolýymyz qajet. 3 jáne 4 degen sandardy kórip turmyn. Múmkin, 3-4 jyldan soń qazaqstandyqtarda aqsha kóp bolady. Aılyq baǵasy kóbeıedi dep aıta almaımyn, biraq qosymsha tabys kózi bolady.
Aýdarǵan: Nazerke Labıhan
