Baqytjan Saǵyntaev qazaqstandyq kınoındýstrıany damytýǵa qatysty birqatar tapsyrmalar berdi

QR Premer-Mınıstri Baqytjan Saǵyntaev Úkimet otyrysy barysynda sapaly qazaqstandyq kınony túsirý jáne shalǵaıdaǵy eldi mekenderde kınozaldar salý qajettigin aıtty.   

Búgin Úkimet otyrysy aıasynda «Kınematografıa týraly» Zań, sondaı-aq Kınematografıany damytý tujyrymdamasy usynyldy, bul qujattarda otandyq kınoındýstrıanyń odan ári damýynyń negizgi baǵyttary kórsetilgen.

Sonymen qatar otyrys barysynda bolashaq qazaqstandyq kınematografıa týraly osy saladaǵy belgili óner ıeleri óz pikirlerimen bólisti. Olardyń arasynda Halyq ártisi Asanáli Áshimov, kınorejısser Aqan Sataev, «Meloman» kompanıasynyń bas dırektory Vadım Golenko, rejıser Rústem Ábdirashev, «Arman» kınoteatrlar jelisiniń dırektory Baýyrjan Shúkenov, Qazaqstan kınematografısteriniń tóraǵasy Aqan Ibraev, rejıser jáne prodúser Rashıd Nuǵymanov bar.

Sóz sóılegenderdi tyńdaǵan soń Premer-Mınıstr kınoteatrlarǵa kórermenderdi kóptep tartý úshin joǵary sapaly fılmder túsirý qajettigin atap ótti. Sonymen qatar ol ásirese, shalǵaıdaǵy eldi mekenderde kınozaldar sananyń jetkiliksizdigine nazar aýdardy. Osyǵan baılanysty B.Saǵyntaev ásirese, mono- jáne shaǵyn qalalarda osy salaǵa bıznesti tartý tetikterin oılastyrýdy tapsyrdy.

Premer-Mınıstr óziniń orynbasary I. Tasmaǵambetovke barlyq múddeli taraptarmen birlese otyryp Kınematografty damytý tujyrymdamasy men Zań jobasyn talqylap, olardy Úkimet qaraýyna usynýdy tapsyrdy.