Oblys basshysy Ulystyń Uly kúnin baýyrlas elderge baryp ta toılaý kerektigin usyndy, dep habarlaıdy «Tilshi». Mádenıet salasynyń qyzmetkerlerimen kezdesýinde Berdibek Saparbaev jyl basyn, máselen, Orynbor qalasynda, Tatarstan men Bashqurtstanda, tipti, sonaý Qaraqalpaqstanda toılaý kerektigin de aıtty.

«Ol jaqtarda da bizdiń qandastarymyz bar. Sol óńirlerde nege Naýryz meıramyn atap ótpeske?! Baýyrlarymyz bir qýanyp qalady ǵoı.  Qazaqtyń salt-dástúrin kórsetýimiz kerek. Tatarstanda da, alǵashqy astanamyz bolǵan Orynbor qalasynda da qandastarymyz az emes. Táýelsizdik alǵan jyldary qandaı jetistikterge qol jetkizdik, sony kórsete bilý kerek qoı. Pash etýimiz kerek», — dedi oblys basshysy.

Berdibek Saparbaevtyń paıymynsha, Naýryz meıramyn mindetti túrde naýryz aıynda ótkizý kerek emes.

«Kún raıyna qaraı, sáýir nemese mamyr aıynda da toılaýǵa bolady. Tek úsh-tórt adam jiberip ótkizdik dep esep berýge bolmaıdy. Barlyq salt-dástúrimizdi, tarıhymyzdy kórseteıik», — dedi oblys basshysy.

Aıta keteıik, ótken jyly Aqtóbede Ulystyń uly kúni alǵash ret bir apta buryn toılana bastady.

Marat Tólepbergen, «Tilshi»