Prezıdent Ákimshiliginiń burynǵy orynbasary Baǵlan Maılybaevtyń qylmystyq isin tergeý barysynda «Eýrazıa» Birinshi arnasynyń qyzmetin tekserý kerek. Bul týraly Ǵalym Baıtýk óziniń Facebook paraqshasynda jarıalady.

«Uzyn qulaqtan estigenim Maılybaev pen Ǵalıhınniń ustalýy prezıdent ákimshiligindegi sońǵy tutqyndaýlar emes. Maılybaevpen baılanysy bolǵan 30% jýyq adam qyzmetinen bosatylady. El basyndaǵylardyń árbir qadamy kórshi elge sol ýaqytta jetip otyrǵan desedi. Sheneýnikterdi bylaı qoıyp, kórshi eldiń ıdeıasyn efırden taratqan BAQ-ty qaıtemiz? Ásirese telearna. Esterińizde bolsa men Birinshi arnanyń dırektory Kısılevpen kezdestim. Onda ol Maılybaevpen qosylyp reseılik arnany synaýdy doǵarýdy surady. Reseılik prodúser Zamyslovtyń Qazmedıa ortalyǵynda júrgenin qalaı túsinýge bolady?  Quzyretti organdardy Reseıdi nasıhattap kelgen «Eýrazıa» arnasyn tekserýdi suraımyn. Aqparat jáne komýnıkasıa mınıstri Dáýren Abaevty Birinshi arnany óz baqylaýyna alyp, basshylyqty jergilikti patrıottarǵa almastyrýdy suraımyn» deıdi Ǵalym Baıtýk.