Ýkraınada úsh adamnyń DNQ-sy bar bala dúnıege keldi dep habarlaıdy lenta.ru, málimettiń qazaqsha nusqasyn «Qamshy» portaly oqyrman nazaryna usynady. Bul jaǵdaı álemde birinshi ret bolyp otyr.
34 jastaǵy kelinshek 15 jyl boıy qursaq kótere almaǵan. Ulybrıtanıada donor áıeldiń analyq jasýshasyn balaly bola almaǵan áıelderge salý tehnologıasy 2000 jyly oılap tabylǵan eken.
«Nátıjesinde týǵan ata-anasy men donor áıeldiń DNQ-sy bar bala dúnıege keldi, ıaǵnı balanyń úsh ata-anasy bar. Úsh adamnyń DNQ-sy bar ekeni júktilik kezinde Ýkraına men Germanıa zerthanalarynda tekserý barysynda belgili bolǵan», - deıdi reprodýktıvti aýrýhananyń dırektory Valerıı Zýkın.
Balany mundaı jolmen tabý Ýkraınada áli zańdastyrylmaǵan. Sonymen qatar, bul tájirıbege áıeldiń ózi kelisim beregendikten atalmysh prosedýra tegin júrgizilgen. Alaıda, mundaı ádisti 37 jastan asqan áıelderge qoldanýǵa bolmaıdy, sebebi bul jastan keıin embrıondar damýyn toqtatady eken.
