Krasnoıarskte egde áıeldiń denesi túsiniksiz jaǵdaıda joǵalyp ketken dep habarlaıdy ria.ru. Adam máıithanaǵa 6 jeltoqsanda ákelingen. Birneshe kúnnen keıin máıithananyń tirkeý bólimine 88 jasynda qaıtys bolǵan egde áıeldiń týystary kelgende, máıitti tappaǵan. Qazir tergeý jumystary júrgizilip jatyr.
Sońǵy kezderi máıithanada túsiniksiz jaǵdaılar jıi oryn alatyn boldy. Máselen, Chelábınsk máıithanasynda qaıtys bolǵan eki ájeıdiń denelerin aýystyryp alǵannan keıin prokýratýra istiń mán-jaıyn teksere bastady.
8 qańtarda Chelábınskide 78 jastaǵy jáne 91 jastaǵy egde áıelder kóz jumdy. Olardyń birin týystary jerlegen. Ekinshi áıeldiń denesin alyp ketýge kelgen týystary máıithanadaǵy adam olardyń ájesi emes ekenin aıtqan. Qaıtys bolǵandardyń denelerin máıithana qyzmetkerleri shatasyp aýystyryp jibergeni belgili boldy. Jer qoınyna tapsyrylǵan ájeıdi týǵandary qaıta jerleýdi talap etip otyr. Egde áıeldiń týystary basqa adamdy jerlep jatqanyn baıqamaǵan.
