Májilis depýtaty Amanjan Jamalovqa qatysty Ortalyq saılaý komısıasy tekserý júrgizedi dep habarlaıdy 31.kz. Tekseris nátıjesi 24 qańtarda belgili bolmaq. Tirkeýge kelip qaıtys bolǵan almatylyq azamat týraly aıtqan pikiri qoǵamnyń jappaı narazylyǵyn týdyrǵan. Biraq tekserýge depýtat Jamalovtyń ıeligindegi bir seriktestik pen "Gaýhar" atty lombard sebep bolǵan.
Jamalovtyń atyndaǵy seriktestik uzaq ýaqyt memleketke salyq tólemegen eken. Al depýtattyń lombardy salyq tóleýdi keshiktirmegen. Alaıda elimizdegi zań normasy boıynsha depýtat menshiginde eshqandaı múlik bolmaý kerek. Tirkeýge kelip qaıtys bolǵan azamatqa qatysty pikirinen keıin el nazaryna ilikken depýtat artynsha keshirim surady.
