Dúnıejúzi qazaqtary Qaýymdastyǵynyń 20 jyldyǵyna oraı sheteldik jáne oralman qazaq jastarynyń arasynda “Atameken jáne sheteldegi qazaq jastary”  atty jyr músháırasy men termeshiler saıysy ótedi.

EREJESİ

Dúnıejúzi qazaqtarynyń qaýymdastyǵy 2012 jyldyń qazan aıynda Almaty qalasynda ótetin Dúnıejúzi qazaqtary qaýymdastyǵynyń qurylǵanyna jáne kóshi-qonnyń bastalýyna 20 jyl tolýyna oraı “Atameken jáne sheteldegi qazaq jastary” atty  shetelde turatyn jáne oralman qazaq jastarynyń jyr músháırasy men termeshiler saıysyn ótkizýdi josparlap otyr.

                                  Músháıra men terme saıysynyń maqsaty:

 – Sheteldegi jas qazaq aqyndarynyń jyrlaryn baıqaýǵa qatystyrý arqyly olardyń ulttyq otanshyldyq sezimin ushtap, Atajurtyna degen mahabbatyn artyrýǵa, memlekettik tildiń mártebesin odan ári kóterý, áli tanyla qoımaǵan aqyndardy, ásirese, jas daryndardy anyqtaý.

 – Qazaq jastary arasynda otansúıgishtikti keńinen nasıhattaý, óskeleń urpaqtyń ón boıyna ulttyq rýhty sińirýge, táýelsizdikti tereń sezinýge jáne 20 jyldyq mereıtoıyn keńinen nasıhattaý.

 Músháıra men terme saıysynyń  sharty:

 Músháıra men terme saıysyna 35 jasqa deıingi shetelderde jáne Qazaqstan Respýblıkasynda turatyn aqyndar qatysa alady.

Avtordyń shyǵarmasy eshbir jerde jarıalanbaǵan bolý kerek.

Bir aqynǵa úsh óleńmen qatysýǵa bolady.

Birinshi óleńi – Atameken, Dúnıejúzi qazaqtary qaýymdastyǵyna –20 jyl /mindetti/;

Ekinshi óleńi – Sheteldegi qandastar taǵdyry jáne kóshi-qon týraly (mindetti);

Úshinshi óleń - erkin taqyryptaǵy óleń bolýy qajet.

                 Terme saıysy – Erkin taqyryp

Óleńder 2012 jyldyń 15 qyrkúıegine  deıin qabyldanady. Jiberiletin óleń mátininiń astyna avtordyń tolyq aty-jóni, ómirbaıany, baılanys telefondary, turǵylyqty meken-jaıy kórsetilýi shart.

Uıymdastyrýshylar avtorlarǵa ózderi kórsetken baılanys telefondary arqyly habarlasatyn bolady. Arnaıy ádilqazylar alqasymen iriktelgen júldegerlerdi marapattaý rásimi 2012 jyldyń qazan aıynda Almaty qalasynda Dúnıejúzi qazaqtary qaýymdastyǵynyń qurylǵanyna 20  tolýyna ótetin is-sharalar sheńberinde ótkiziledi.

 Ádilqazylar alqasynyń sheshimimen jeńimpazdarǵa úsh dáreje boıynsha júlde taǵaıyndalady:

 Birinshi júlde – 1

Ekinshi júlde –  1

Úshinshi júlde – 1

Yntalandyrý syılyǵy – 3

Músháıra jeńimpazdary  laýreattyq  dıplomdarmen jáne  baǵaly syılyqtarmen marapattalady.

 Aqyndar óleńderin «Músháraıǵa» degen atpen myna meken jaıǵa jibere alady: Almaty qalasy, Sh.Ýálıhanov kóshesi, 43 a.

Óleńderdi ǵalamtor arqyly  kelesi elektrondyq poshtaǵa jiberýge bolady:  akberen.80@mail.ru nemese kazaktar.kz@mail.ru  

Qazylar alqasy

 Músháıradaǵy óleńderge baǵa beretin qazylar alqasynyń quramy tóraǵadan, hatshydan jáne 3-5 alqa múshelerinen turady.

 Qazylar alqasynyń quramyn Dúnıejúzi qazaqtary qaýymdastyǵy Tóraǵasynyń birinshi orynbasary bekitedi.

 Qazylar alqasy aqyndardyń óleńine taldaý jasaıdy jáne 10 baldyq júıemen baǵalaıdy, jeńimpazdardy anyqtaıdy jáne júldeli oryndardy bóledi.

 Ádilqazylar alqasynyń quramy

1. Serik Turǵynbekuly – aqyn, ádilqazylar alqasynyń tóraǵasy;

1. Sultanáli Balǵabaev – jazýshy-dramatýrg, Dúnıejúzi qazaqtary qaýymdastyǵy Tóralqa Tóraǵasynyń orynbasary;

1. Nesipbek Aıtuly – aqyn, «Altyn tamyr» jýrnalynyń bas redaktory;

1. Jannat Áskerbekqyzy – aqyn, «Otyrar kitaphanasynyń» qyzmetkeri;

1. Murat Shaımaran – aqyn, Qazaq ulttyq ýnıversıtetiniń qyzmetkeri;