BAQ týraly zań jobasynan blogerlerdi tirkeý jónindegi norma alynyp tastalady. Bul týraly QR Aqparat jáne komýnıkasıalar mınıstri Dáýren Abaev óziniń feısbýktegi paraqshasynda habarlady.

"Qymbatty dostar, bizdiń mınıstrlik aqparat jáne komýnıkasıalar máselelerine qatysty zań jobasy boıynsha túrli alańdarda qoǵamdyq talqylaý ótkizýde. Bul proseske sarapshylar men jýrnalıser jáne azamattyq sektor tartylýda.
Talqylaýdyń barlyq kezeńinde qatysýshylar aıryqsha nazar aýdarǵan normalardyń biri jasyryn pikir qaldyrýshylardyń aldyn alý (deanonımızasıa) máselesi boldy. Atap aıtý kerek, bul norma trollıngke, tekserilmegen aqparattardy taratý men arandatýǵa, ekstremızmdi nasıhattaý men áleýmettik janjaldarǵa shaqyrýǵa qarsy kúreske baǵyttalǵan edi.
Sonymen qatar, jumys toby otyrystarynyń sheńberinde sarapshylar men jýrnalıser tarapynan blogerlerdi tirkeý usynysyna qatysty da kóptegen eskertpeler tústi.
Biz bul normada jelidegi tanymal qoldanýshylardyń BAQ-pen teńestirilýin jáne bul prosestiń erikti túrde atqarylýyn qamtamasyz etýdi kózdegen bolatynbyz.
Mınıstrlik barynsha ashyqtyqty ustanǵandyqtan jáne qoǵamnyń árbir usynysyn eskerýdi jón kórgendikten, búgin joǵaryda atalǵan normalardy Zań jobasynan alyp tastaý jóninde sheshim qabyldandy.", - dep jazdy mınıstr.