Brıtandyq baspasózderde Sháripovanyń tek qana kásibı mashyqtaryn ǵana emes, sonymen qosa, Qazaqstan boksshysynyń symbatyn da jarysa jazýda, dep habarlaıdy Prosports.kz.

 «Qazaqstannyń eń symbatty sportshysy» atanǵan Fırýza Sháripova kásipqoı boksta óziniń izin qaldyrmaqshy. Jáne tańdaý dál osy qyzǵa túskenine eshkim kúmán keltirmeıdi. Boratty umyta bersek bolady, Qazaqstanda odan da jaqsysy bar – Fırýza Sháripovanyń pishini. 22 jastaǵy qyz bokserlik qyrynan ǵana emes, symbatymen de tań qaldyrýda», – dep jazady The Sun.

The Sun Sháripova burynǵy boksshy Denıs Rybakovtyń jubaıy ekenin de aıtyp ótipti. Jáne ol úshin eń bastysy – sporttaǵy mansaby jáne Qazaqstan kásipqoılary arasynan álemniń birinshi chempıony ataný.

«Sháripova boksqa bet burmaı turyp, sýdaǵy polo men velosportpen aınalysqan dep jatady. Kóptegen adamdar onyń modeldik mansappen birge sportty alyp júre alatynyna senimdi. Ol áýesqoılar arasynda Qazaqstan chempıonatyn birneshe ret jeńip aldy jáne Azıa birinshiliginiń jeńimpazy atandy», – dep jazady brıtandyq basylym.

Sháripovanyń sózinshe alǵashqy ret mansabyn bastaǵanda, ol mundaı qurmetke ıe bolamyn dep oılamaǵan eken.

«Men bul týraly daıyndyqtan kelgen soń bildim. Shynymdy aıtsam, bulaı bolady dep oılamadym. Meniń basty maqsatym – Qazaqstannyń kásipqoı boksynan birinshi chempıony ataný.

22 jastaǵy Sháripova Tarazda týylǵan. Kásibı rıngke boksshy qyz úsh ret shyqty. Birinshi jekpe-jeginde ol 2012 jylǵy olımpıada oıyndarynyń kúmis júldegeri reseılik Sofá Ochıgavadan jeńilip qalady, keıinnen eki birdeı jeńiske qol jetkizedi: ıtalıandyq Anjelo Kanesaro jáne serbıalyq Mılena Matovıch.

Osy jyly kúzde Sháripova dáreje úshin jekpe-jekke qatysady. Aldaǵy bolatyn jekpe-jekke sportshy qyz qazir Máskeýde daıyndalyp jatyr.