«Oral ákiminiń kezekti Zashaǵandaǵy kezdesýi №30 mektepte ótti. Onyń májilis zalyna shaǵyn aýdandy kórkeıtý týrasynda biraz saýaldary bar jergilikti halyq  jınaldy dep habarlaıdy ratel.kz.

Barlyq qyzyq ákim óziniń esebin bitirgennen keıin bastaldy. Ózin Murat dep tanystyrǵan jergilikti turǵyn Zashaǵan aýdanynyń ákimi Ádilbek Qadyrovqa aımaqty jasyldandyrý týraly suraq joldady. Turǵyn aǵashty otyrǵyzýǵa mıllıondap aqsha jumsalyp, onyń jartysynan kóbi kútim kórmegendikten qýrap qalatynyn aıtyp, nelikten bulaı ekenin bilgisi keldi.  Qala ákimi Narıman Tóreǵalıev Zashaǵan ákiminen «Suraqty túsindińiz be?» dep sybyrlap surady. Ádilbek Qadyrov túsingenin bildirip, basyn ızedi de suraqqa oryssha jaýap bere bastady.

 Murat esimdi turǵyn ákimniń sózin bólip jiberip, orys tilin túsinbegendkiten qazaqsha jaýap berýin surady. Zalda tynyshtyq ornady. Zashaǵan ákiminiń mańdaıynan ter shyǵyp, jaǵaǵa shyǵyp qalǵan balyqtaı kúı keshkeni kórinip turdy. Tynyshtyq uzaqqa sozyldy. Ádilbek Qadyrov kóp kúttirtip sózin bastady.

«Men sizdiń suraǵyńyzǵa oryssha jaýap bere alamyn. Saýalyńyz maǵan túsinikti boldy. Aǵashty otyrǵyzý jumystary júrgizilip jatyr. Kútim nashar bolǵandyqtan olar qýrap qalady. Máseleni sheshemiz» dedi de, suraqqa naqty jaýap bermedi.