Qytaıdaǵy I Am a Singer mýzykalyq konkýrsyna qatysyp jatqan qazaqstandyq ánshi Dımash Qudaıbergenov ózin Vıtaspen salystyrmaýdy surady.

Onyń aıtýynsha, reseılik ánshi Vıtaspen salystyratyndar kóp. "Qaıyrly kesh, Dostar! Qazaqtyń Vıtasy", "Vıtas sıaqty aıtady", "Ekinshi Vıtas" degen maǵan teńeý sózderińizdi estip jatamyn! Árıne, Vıtas jaqsy ánshi, ony qurmetteımin, biraq men "Ekinshi Vıtas" emespin! Mýzykadan xabary bar mamandar meni jaqsy túsinedi!..", - dep jazdy ánshi. 

Sonymen qatar, ol kelesi baıqaý kúnine rejıserlerdiń uıǵarymymen Vıtastyń eń kúrdeli sanalatyn "Opera 2" kompozısıasyn oryndaıtynyn málimdedi. Aıtýynsha, ol bul ataqty ándi Vıtastyń daýysynan 4 modýlásıamen 2 ton joǵary aıtýǵa bel býyp otyr. "Qalaı bolatynyn baǵalaı jatarsyzdar! Aıtpaqshy, kelesi baıqaý kúni 28 qańtar kúni Beıjiń ýaqytymen 22:05-te! Hunan tv online arqyly tamashalaı alasyzdar!", - dedi ánshi.

Dımash Qudaıbergenov teleshoýdyń birinshi kezeńinde SOS d'un terrien en détresse ánin fransýz tilinde oryndap, jeńimpaz atanǵan bolatyn. Ánshi qatysyp jatqan konkýrsta 14 kezeń bar. Konkýrs Qytaıdyń Chansha qalasynda ótip jatyr.