QR Premer-Mınıstri Baqytjan Saǵyntaev Úkimet otyrysy barysynda Qazaqstanda kómir hımıasy salasyn odan ári damytý boıynsha birqatar tapsyrmalar berdi

 Úkimet otyrysy barysynda Qazaqstannyń kómir hımıasy salasynyń jaı-kúıi týraly esep, sondaı-aq ony odan ári damytý boıynsha usynystar tyńdaldy.  

 QR Premer-Mınıstri B.Saǵyntaev Pavlodar oblysynyń ákimi B.Baqaýovty, Qaraǵandy oblysynyń ákimi N.Ábdibekovti, Respýblıkalyq taý-ken óndirý jáne taý-ken metalýrgıalyq kásiporyndar qaýymdastyǵynyń dırektory N.Radostovesti, «QazTransGaz» AQ bas dırektory R.Sýleımanovty, Kómir hımıasy jáne tehnologıalary ınstıtýtynyń dırektory B.Ermaǵambetovty tyńdady.

QR  Premer-Mınıstriniń birinshi orynbasary A.Mamın osy saladaǵy, onyń ishinde kórshiles elderdiń naryqtarynda oryn alyp otyrǵan qubylystardy eskerý qajettigin atap ótti.  

«Bizge jańa naryqtar boıynsha qaraý kerek, osyǵan baılanysty jańa logıstıka, tıimdi logıstıkalyq sheshimder, munyń bári eksporttyq áleýetimizdi joǵaltyp almaýymyz úshin jumys isteýi tıis», - dedi A.Mamın.

 Osy oraıda, Premer-Mınıstr A.Mamınge atalǵan máselelerdi sheshý boıynsha usynystar ázirlep, bul jumysty jalpy úılestirýdi júzege asyrýdy tapsyrdy. Sondaı-aq B.Saǵyntaev kómir óndiriletin oryndarda ekologıalyq qaýipsizdikti qamtamasyz etý máselesine nazar aýdarýdy tapsyrdy.