Sýret Baıanaýylda 70-jyldardyń sońynda túsirildi.

Nursultan Nazarbaevtyń 1970 jyldary túsirilgen sırek kezdesetin otbasylyq sýretin Pavlodar oblysynyń din isteri boıynsha basqarma tóraǵasy Dáýlet Zakaránov Facebook paraqshasynda jarıalady. Fotony bala kezindegi dosynyń álbomynan kezdeısoq kórip qalǵan.

«Foto meniń dosym Arman Álinniń álbomynan alyndy. Sýret Baıanaýylda 70-jyldardyń sońynda túsirilgen. Nursultan Nazarbaev otbasymen birge Armannyń ata-anasynyń úıinde – Álin Ysqaq Nurǵalıulynda (Nursultan Nazarbaevtyń qasynda otyr) qonaqta bolǵan. Ol kezde Jańatilek orta mektebinde dırektor bolyp qyzmet istegen. Jáne Kámılá táte ( Sara Alpysqyzynyń qasynda, sol jaǵynda tur). Ysqaq Nurǵalıuly tamasha adam jáne pedagog, Uly Otan soǵysyna qatysýshy. Nazarbaevpen birge kelgen Baıanaýyl aýdanynyń týmasy, akademık, Eńbek eri – Ábilqas Saǵynov», – dep Zakaránov sýret jaıly aıtyp berdi.