El basy Nursultan Nazarbaev memlekettik basqarý júıesi týraly  óz úndeýin jarıalady. Memleket basshysy eldi basqarý júıesin jańǵyrtatyn ýaqyt jetkenin habarlady. Ol reformanyń eki negizgi baǵyt boıynsha iske asatynyn aıtty. 

1. Prezıdenttiń áleýmettik, ekonomıkalyq prosesterdi retteýdegi birshama ókiletterin úkimetke jáne basqa da atqarýshy organdarǵa berýdi jón dep tapqanyn jetkizdi. Bul salaǵa úkimet, mınıstrlikter jáne ákimdikter jaýap beredi. Ókilettikterdi berý tıisti zańdardy ózgertý arqyly iske asatyn bolady. Bul ózgeristerdi úkimet parlamenttiń sesıasynyń aıaǵyna deıin engizedi. 

1. Odan da kúrdeli mindet bılik tarmaqtary arasyndaǵy qarym-qatynasty konstıtýsıalyq deńgeıde teńgerimdi etý. Osy reforma aıasynda úkimetti jasaqtaýda  Parlamenttiń rolin kúsheıtpek. Parlament saılaýynda jeńgen partıa úkimet quramyn anyqtaýǵa túbegeıli  yqpal etetin bolady. Bul mınıstrler kabınetiniń  ókiletti bılik aldyndaǵy jaýapkershiligin arttyrady. Tıisinshe bıliktiń zań shyǵarýshy tarmaǵynyń atqarýshy bılikke baqylaýyn kúsheıtetin bolady.