Tramptyń sózinshe, ol elinde terrordyń bolǵanyn qalamaıdy. «Álem tártipsizdikke toly», –deıdi. Ol San-Bernardınodaǵy jappaı adam óltirý men 9/11 bolǵan teraktty esine aldy.
Ol musylman áleminde qatigezdiktiń órshý múmkindigine alańdaýly ma degen júrgizýshiniń suraǵyna: «Katigezdik? Álemdi onsyz da qatigezdik jaýlap ketken. Tipti, shegine jetti. Álem ábden buzylǵan», – dep jaýap berdi Tramp.
Ol Shtattardyń Irakqa kirmeýi kerek ekenin málimdedi. Jáne Aleppo men Mosýlda bolyp jatqan oqıǵalardy, sondaı-aq, Eýropaǵa aǵylǵan bosqyndardy da mysal keltirip, tilge tıek etti.