Nú-Delıde 68 jasynda Reseıdiń Úndistandaǵy elshisi Aleksandr Kadakın qaıtys boldy dep habarlaıdy ria.ru.

 «Aleksandr Kadakın Reseılik dıplomatıalyq mısıanyń basshysy qyzmetinde  2009 jyldyń qarasha aıynan bastap jumys isteı bastady. Aleksandr Kadakınniń barlyq kásibı ómiri 1971 jyldan beri Reseı men Úndistan qarym-qatynasynyń damýyna arnaldy» deıdi elshilikte.  

 Aleksandr Kadakınniń dıplomatıalyq jumysy men ómiri Úndistanmen tyǵyz baılanysty edi. Onyń Úndistandaǵy jumysy óte aýyr jaǵdaıda ótti. Sebebi Keńes Odaǵy qulaǵannan keıin Máskeý men Nú-Delıdiń qarym-qatynasy daǵdarys jaǵdaıynda boldy. Kadakın basqa ındolog mamandarmen eki el arasynda strategıalyq qarym-qatynas ornatýǵa kúsh saldy. Qazir Reseı men Úndistan dál sondaı qarym-qatynasta.

1972 jyly Aleksandr Kadakın joǵary oqý ornyn bitirgennen keıin, dıplomatıalyq qyzmetine birden kirisip ketti. 1992 jyldan 1997 jylǵa deıin Reseıdiń Nepaldaǵy elshisi boldy. Eki jyldan keıin alǵash ret Úndistanǵa is saparmen barady. 2005 jyldan 2009 jylǵa deıin Reseıdiń Shvesıadaǵy elshisi boldy. 2009 jyldyń qazan aıynda Úndistannyń dılomatıalyq mısıasyn basqardy.

Dıplomat Reseı akademıasynyń akademıgi boldy. Aǵylshyn, fransýz, rýmyn, hındı, jáne ýrdý tilderin meńgergen.