Almaty qalalyq №7 klınıkalyq aýrýhananyń bas dárigeri Ánýar Amanov qyzmetinen bosatyldy, - dep habarlaıdy Tengrinews.kz tilshisi. Qalalyq Densaýlyq saqtaý basqarmasyndaǵylar komısıa atqarǵan jumystyń qorytyndysyna qatysty resmı málimetti aıtty.

"Almaty qalalyq Densaýlyq saqtaý basqarmasynyń 2017 jylǵy 27 qańtardaǵy buıryǵymen qalalyq №7 klınıkalyq aýrýhananyń bas dárigeri Á.T.Amanov qyzmetinen bosatyldy. Bas dárigerdiń mindetin endi aýrýhana basshysynyń orynbasary J.S. Sherıazdan atqarady", - dedi Almaty qalalyq Densaýlyq saqtaý basqarmasyndaǵylar.

Jadyra Sherıazdan Almatydaǵy memlekettik medısınalyq ınstıtýtyn dárigerlik emdeý isi mamandyǵy boıynsha bitirgen. Eńbek jolyn ınternatýra men rezıdentýra kafedrasynyń kómekshisi qyzmetinen bastaǵan. 2013 jyly qalalyq №7 klınıkalyq aýrýhananyń gematologıa bóliminiń meńgerýshisi bolyp taǵaıyndalǵan. Al 2015 jyldan beri klınıkada bas dárigerdiń orynbasary bolyp jumys istegen.

"Almaty qalalyq Densaýlyq saqtaý basqarmasynyń buıryǵymen qurylǵan komısıa vıdeojazbanyń 2015 jyly №4 qalalyq klınıkalyq aýrýhanasynyń jumys jıynynda túsirilgenin anyqtady. Jıyndy aýrýhananyń burynǵy bas dárigeri A.T.Amanov ótkizgen. Ol 2016 jyly rotasıa aıasynda №7 qalalyq aýrýhanaǵa aýystyrylǵan", - dep rastady basqarma ókilderi.

Eske salaıyq, WhatsApp messendjerinde jáne Facebook áleýmettik jelisinde medısınalyq jumysshylardyń medısınalyq mekemelerdiń birinde ótkizgen jıyny túsirilgen vıdeo paıda bolǵan edi. Onda medısınalyq mekemeniń bas dárigeri ádep normasyn buzyp, "medısınalyq jumysshynyń atyna kir keltiretin áreket jasaǵan".

"Endigide medısınalyq jumysshylar mundaı erejebuzýshylyq jaǵdaılaryn jasamaýy úshin qalalyq medısınalyq uıymdarda túsindirý jumystary júrgizildi. Densaýlyq saqtaý basqarmasynda qurylǵan komısıa №7 qalalyq aýrýhananyń qyzmetine tekseris júrgizýdi jalǵastyryp jatyr", - delingen habarlamada.