Saýdıa elshisi: «Erdoǵannyń prezıdenttikke ótýin qoldaǵan bizbiz. Tóńkeristen keıin de qoldadyq. Alaıda, ol Sırıadaǵy bar ilgerileýshilikti keri ketirip qıanat jasady. Óz múddesi úshin Reseı men Izraılge jaqyndady» dedi.
Saýd Arabıanyń Ankaradaǵy tótenshe jáne ókiletti elshisi doktor Adıl ıbn Sarrach Mardad Túrkıaǵa qatysty BBC-ge bergen suhbatynda, Erdoǵandy qatań aıyptaıtynyn bildirdi. Mardad Túrkıanyń múddeleri men ishki saıası daǵdarystan qashý úshin Reseı men Izraılge jaqyndaǵanyn aıtty.
Ókiletti jáne tótenshe elshi Mardad prezıdenttik taqqa kelý úshin Erdoǵandy qoldaýshynyń biri Saýd Arabıa bolǵanyn, tóńkeristiń izin ala Túrkıany jáne tańdalǵan úkimetti alǵashqy bolyp qoldaǵan elderdiń arasynda Saýd Arabıa bolǵanyn, búgingi kúnge deıin qoldap kelgenderin bildirdi.
Elshi Túrkıanyń 6 jyl buryn Sırıadaǵy halyq kóterilisin qarýly opozısıaǵa aınaldyrǵanyn ári Sırıa prezıdentine qarsy opozısıalyq toptarǵa qushaq ashqanyn, keıinnen Erdoǵannyń ár joly «Asad ketýi tıis» degen ustanymyn Sırıadaǵy daǵdarystyń sheshiminiń bir ǵana joly retinde jarıa etkenin bildirdi.
Erdoǵan men Ádilet jáne damý partıasy aınyp ketti
Elshi Erdoǵannan bastap túrik úkimetiniń kezinde «qyzyl syzyq» dep qabyldaǵan Asadtyń ketýi ustanymynan sońǵy ýaqyttarda aınyp shyǵa kelgenin bildirdi. Saýd elshisi Túrkıanyń Sırıadaǵy osy ustanymyndaǵy ózgeristiń Osmanly kezeńinen beri túrikterdiń múddeleri ózgergende Arab elderine qarsy jasalǵan qıanattyń bir basqa túri ekenin alǵa tartty.
Sóz túıini retinde elshi Mardad Sırıadaǵy beıbit turǵyndardyń ólimi, mıllıondaǵan adamnyń baspanasyz qalýy jáne bosqyndar úshin Túrkıa jaýapty ekenin bildirdi.
Budan keıin ile-shala Dýbaıdan da Erdoǵanǵa qarsy narazylyq keldi.
Dýbaı polısıa basshysy Dahı Qalfan Erdoǵandy Sırıa saıasaty úshin qatty aıyptady. Erdoǵannyń Sırıany typ-tıpyl etýge atsalysqanyn aıtty.
Dýbaı polısıa basshysy: Erdoǵan buny istemeı turyp oǵan aıttyq. Opozısıany Asadqa qarsy jınady jáne olardy Asadqa qarsy aıdap saldy. Endi opozısıany rejım kúshterine qurban etip usynýda. Erdoǵan Sırıany qıratýǵa atsalysty.
CNN Arabic- te jarıalanǵan habar boıynsha Birikken Arab ámirlikterinde meılinshe yqpaldy búrokrat bolǵan Dýbaı Polısıa basshysy Dahı Qalfan Tvıtterdegi paraqshasynda Erdoǵandy synady. Qalfan Tvıtterde «Erdoǵan opozısıany Asadqa qarsy jınap, Asadqa qarsy aıdap saldy. Endi úmit úzgennen keıin oppozıadan qutylǵysy kelýde. Opozısıany rejım kúshterine qurban retinde usynýda. Bul qatelikti istemeýin biz burynyraqta oǵan aıtqanbyz…» dep jazdy.
Erdoǵannyń Sırıada bolǵan adamzat tragedıasyn jasaýǵa atsalysýshylardyń biri ekenin aıtqan Polısıa basshysy bylaı dedi: «Erdoǵan opozısıany sendeletti, halqyn aýa kóshtirdi jáne Sırıanyń qıraýyna ortaqtasty. Ashshy shyndyq osy. Erdoǵan Musylman baýyrlarynyń arbaýyna túsken qurban» degen.
Berik Myńjasar
