Qazaqstandyq ánshi Dımash Qudaıbergenov Hýnan telearnasynyń Qytaıdyń Kóktem merekesine (Qytaıdyń jańa jyly) arnalǵan konsertke qonaq bolyp óner kórsetti.

Dımash sahnaǵa: «Assalaýmaǵalaıkým aǵaıyn, jańa jyl qutty bolsyn!», - dep shyqty. Sondaı-aq, «Opera 2» ánimen qytaılyq kórermenderdi taǵy da tánti etip, merekelik kóńil-kúı syılady.  

Qytaıdyń kóne kúntizbesi boıynsha ár jyl saıyn qytaı Jańa jyly 12 qańtar men 19 aqpan aralyǵynda keledi. Osy ýaqyt jyl basyndaǵy jańa týǵan aıǵa sáıkes keledi. Gregorıan kúntizbesi engizilgennen keıin bul merekeni batystyq jańa jyldan ajyratý úshin «Kóktem merekesi» dep ataıtyn boldy.  Qytaı dátúrsi boıynsha bul Qytaı halqynyń eń úlken merekesi. Mereke bastalǵan kúnderi búkil Qytaıda óndiris oryndary toqtap, el ishinde óli tirshilik ornaıdy. Barsha qytaı halqy merekeni óz obasylarynda qarsy alady.

Qandasymyz Dımash Hýnan telearnasynyń «Singer2017» án baıqaýyna qatysyp jatyr. Ol buǵan deıin baıqaýdyń aldyńǵy eki kezeńinde de birinshi oryn alǵan edi. Onyń ónerine qytaılyq tyńdarmandar ystyq yqylaspen qoldaý kórsetip jatyr. Oǵan Sina Weibo mıkroblogyna jazylýshylarynyń sany 1 mıllıon 200 myńnan asyp ketkeni dálel. 

Eske salaıyq, Dımash Qudaıbergenov Vıtebskte ótken "Slaván bazary-2015" halyqaralyq baıqaýynda jeńimpaz atanǵan edi. Ol, sonymen qatar, "Shyǵys bazary" jáne "Meıkın Azıa" baıqaýlarynyń Gran-prı ıegeri.