Ózbekstan sýy tartylyp, ekologıalyq apat aımaǵyna aınalǵan Aral teńizi mańyn damytýǵa bes jylda 2,6 mıllıard dollar jumsamaq. Bul týraly Azattyq habarlaıdy.
El prezıdenti Shavkat Mırzıaevtyń bul týraly jarlyǵy 30 qańtarda shyqqan.
2,6 mıllıard dollar jańa jumys oryndaryn ashýǵa, sý tartý jáne kanalızasıa salýǵa, medısınalyq qyzmetti jetildirýge, jańa úıler men ınfraqurylymdar salýǵa, shaǵyn nesıeler berýge jáne áleýmettik járdemaqyǵa jumsalmaq.
Tushshy sýly Aral teńizi ásirese ózine quıatyn Syrdarıa men Ámýdarıanyń sýy egiske kóp ketkendikten 1960 jyldan bastap sýalyp, 90 paıyzy qurǵap qalǵan. Sonyń kesirinen teńiz mańyndaǵy Qazaqstan men Ózbekstannyń ekologıalyq ahýaly nasharlaǵan.
