Shveısarıalyq neırofızıologtar jańa neırochıp jasap shyǵardy. Ol arqyly sal bolyp qalǵan adamdardyń oıyn oqýǵa bolady dep jazady PLOS Biology jýrnaly.
«Biz tájirıbe jasap kórdik. Oǵan 4 erikti qatysty. Olar biz qoıǵan suraqtarǵa oı kúshi arqyly jaýap berip otyrdy. Eger bul nátıjeni qaıtalaı alsaq, neırondardyń qozǵaltqysh dısfýnksıasynan japa shegip júrgen adamdardy sóılete alamyz» dedi Túbıńen ýnıversıtetiniń (Germanıa) ýákili Nıls Bırbaýmer.
«Qamaýdaǵy adam sındromy» naqty neırodegeneratıvti aýrýlary damýynyń sońǵysy bolyp esepteledi. Ol damyǵan ýaqytta adam syrtqy álemmen baılanysyn úzetin sekildi.
Bıologtar múgedek adamdardyń oı arqyly kıber-qolmen jumys isteýge úıretti.
«Qamaýdaǵy adam sındromynyń» belgileri komadaǵy adamdardyń mı bóligi men denede bolatyn ózgeristerdi eske salady. Buǵan deıin ǵalymdar sal adamdar oılap, tapsyrmany sheshe alatyn jaǵdaıy joq dep eseptep keldi.
4 erikti adamǵa tájirıbe júrgizý arqyly Bırbaýmer men onyń áriptesteri neırochıp pen ınterfeıster «kompúter mıy» júıesi arqyly mıdyń jibergen belgilerin kompúter tiline tikeleı aýdara alý múmkindigin tekserip kórgisi keldi.
Qıyn jaǵdaıda ómir súrip jatqan adamdardyń ózi ómir súrýge talpynyp jatqanyn kórgende, Bırbaýmer men onyń áriptesteri zertteý jumystaryn qarqyndy túrde jalǵastyrmaq.
