Baıan Esentaevanyń súıiktisi toıǵa daıyndyǵy jaıly jáne Qazaqstandaǵy tanymal áıelderdiń birin qalaı unatyp qalǵandyǵyn aıtyp berdi dep habarlaıdy informburo.kz, málimettiń qazaqsha nusqasyn «Qamshy» portaly oqyrman nazaryna usynady.
– Baıan Esentaevamen qalaı tanystyńyz?
– Men ony osynshalyqty tanymal dep oılaǵan joqpyn. Ál-Farabı kóshesinde turatynmyn, bir kúni Baıannyń sýreti turǵan bannerdi kórdim, ol bir shampýnnyń jarnamasy bolatyn. Sol jerden únemi ótken saıyn qarap ótetinmin. Netken ádemi áıel dep oılap júrdim. Men ol kezde jergilikti shyǵarmashylyqqa asa qyzyqpaıtyn edim, Qazaqstandyq estradamen asa tanys emes edim. Bir kúni Baıanmen tanysqanymda, onyń tegi tanys estildi, alaıda onyń sonshalyqty tanymal ekenin bilmeıdi ekenmin. Biz ótken jyldyń naýryz aıynda jumys babymen tanysqanbyz. Ol kezde men «Analar úıindegi» máseleler jaıly derekti fılm túsirip júrgen bolatynmyn. Sóıtsem, dál osyndaı mazmunda jumys istep júrgen rejıser bar eken. Men kınoındýstrıadan asa habarym bolmaǵandyqtan tájirıbesi mol adamnan keńes suraýǵa májbúr boldym. Osylaı tanysyp kettik.
– Birden ǵashyq boldyńyz ba? Baıannyń qandaı qylyǵy sizdi tánti etti?
Bul suraq artyq dep oılaımyn. Men oǵan jumys babymen barǵanmyn. Bizben birge jumys istep júrgen rejıserdiń esimin ataǵan kezimde «Men sizge eshqandaı da keńes bere almaımyn. Sebebi ol adammen biz bir sehta jumys isteımiz. Eger sizge keńes berip júrgenimdi estise, adamdar jaman oılap qalýy múmkin», - dep jaýap berdi. Bizdiń alǵashqy tanysýymyz osylaı boldy. Maǵan ol óte bilimdi áıel bolyp kórindi. Ol barlyǵyn jan-jaqty oılap, ár qadamyn ańdap basatyn adam.
–Oǵan ǵashyq ekenińizdi qalaı túsindińiz?
– Men Baıan sekildi áıeldi eshqashan da kezdestirmeppin, ol óte qyzyq adam, keremet tulǵa. Ol meni naǵyz áıelge tán qylyǵymen, erekshe harızmasymen yntyqtyrdy.
– Kez kelgen qarym-qatynasta ınısıator bolady, sizderde ol kim?
– Árıne, men. Baıan ózi aldymen sezimin bildirdi dep aıtpaımyn ǵoı endi, - dep kúldi kásipker. – Bul, árıne, qaljyń.
– Baıannyń ómirinde óte qaıǵyly oqıǵa boldy. Mundaı jaǵdaıdan soń jańa qarym-qatynas ornatý, ádette, qıyn. Bul qıyndyqqa qalaı tótep beresizder?
– Eger Baıannyń tanymaldylyǵy bolmasa, qazirgi tańda ajyrasyp jatqan otbasylar óte kóp. Bul nárseniń maǵan esh qatysy joq dep aıta almaımyn. Degenmen, osyndaı oqıǵanyń oryn alǵany óte ókinishti. Balalary, týǵan-týystary – bári de alańdaýly. Bul óte kúrdeli de emosıaǵa toly kezeń.
– Baıanǵa turmysqa shyǵýǵa qalaı usynys jasadyńyz jáne toılaryńyzdy qalaı jasamaq nıettesiz?
– Biz 16 jastaǵy jetkinshekter emespiz. Bul suraqqa keıinirek jaýap beremiz.
– Iaǵnı, asyra silteýshilik bolmaıdy ǵoı, ıá?
– Biz búkil elge shoý uıymdastyramyz, tikushaqtar ushyp júredi, - dep kúldi Týrsenǵalı. – Qaljyńdap otyrmyn, árıne. Tek ózimizdiń oıymyzdan shyǵatyndaı etip jasaımyz. Toıdyń máselesi óte qıyn dep oılaımyn, biz Baıan ekeýmiz barlyǵyn aqyldasyp sheshemiz. Sol sebepti de, dál qazirgi tańda bul jaı ǵana neke bolady ma álde kelisilgen neke bolady ma – osy jaıynda oılanyp júrmiz. Óıtkeni, biz ekeýmiz de orta jastaǵy adamdarmyz. Bul máseleni barynsha aqylǵa salyp, oń sheshim qabyldaı alýǵa ekeýimizdiń de aqylymyz jetkilikti bolýy kerek jáne de basqa adamdardy renjitpeýdiń jolyn qarastyrýymyz qajet. Bul – óte mańyzdy. Tym artyq keter bolsaq, adamdar bizge renjip qalady.
– Baıan Esentaeva halyqtyń nazarynda júrip, kameralarǵa biraz iligip úırenip qalǵan. Al siz sońǵy kezderi tym kóp talqyǵa tústińiz, sizge eldiń nazary erekshe aýdy. Ózińizdi qalaı sezindińiz?
– Iá, shynymen de úırenshikti jaǵdaı emes. Men úshin bul úlken jańalyq sekildi boldy, alaıda maǵan bul múldem unamady. Osy ýaqytqa deıin eldiń nazaryna iligip kórgen emespin.
Aýdarǵan: Nazerke Labıhan
