Qazaqstannyń Ulttyq ekonomıka mınıstri Tımýr Súleımenov 2017 jyl el ekonomıkasy úshin kúrdeli jyl bolmaq dep málimdedi, dep habarlaıdy "Qamshy" portaly.

«2017 jyl elimizdiń ekonomıkasy úshin kúrdeli bolady dep kútilýde. Negizgi resýrstardyń baǵasy qubylmaly bolýy, AQSH ákimshiliginiń jańa saýda-ekonomıkalyq saıasaty men valúta baǵamynyń turaqsyzdyǵyna baılanysty jahandyq ekonomıkanyń aldynda syn-qaterler tur. Birqatar elde saıası belgisizdik pen áskerı qaqtyǵystar oryn alýyna ulasýy múmkin. Osyndaı kúrdeli saıası-ekonomıkalyq  jaǵdaıda biz Elbasynyń Joldaýyna oraı Qazaqstanda úshinshi jańǵyrtýdy bastaımyz. Biz ekonomıkalyq damýdyń negizgi faktory onyń sapasynda ekenin jaqsy túsinemiz», – dep málimdedi mınıstr.

Esterińizge sala keteıik, Qazaqstan Prezıdenti Nursultan Nazarbaevtyń qatysýymen Úkimettiń keńeıtilgen otyrysy ótti. Jıynda eldiń áleýmettik-ekonomıkalyq damýynyń qorytyndylary qaralyp jatyr.