AQSH prezıdenti Donald Trampqa qatysty túrli shymshyma sózder, aýyr syndar azaıar emes. Kalıfornıa shtatynyń burynǵy gýbernatory Arnold Shvarsenegger Donald Trampty sózben túırep ótti.

«Donald, mende keremet ıdeıa bar. Qyzmet ornymyzdy aýystyrsaq qalaı qaraısyń? Sen qaıtadan telearnada qyzmet jasaısyń. Sebebi, sen reıtıńty kóp jınaıtyn sarapshysyń ǵoı. Al, men seniń jumysyńmen aınalysamyn jáne jurt qaıtadan ýaıymsyz uıyqtaıtyn bolady», – dedi Arnold.

Tramp «Dańqtylyq shákirti» realıtı-shoýdyń júrgizýshisi jáne ataqty amerıkalyq akterdyń usynysyna birden jaýap berdi. Tramp jaýabyn Tvıtter paraqshasynda jarıalady.

«Arnold Shvarsenegger Kalıfornıadaǵy gýbernatorlyq qyzmetin nashar atqarǵan edi, biraq ol «Dańqtylyq shákirti» shoýynda ózin, tipti, nashar kórsetti. Alaıda ol tyrysty, qolynan kelgenin istedi ǵoı», – dep mysqyldaı jaýap berdi Tramp.

Arnold Shvarsenegger 2003 jyly Kalıfornıanyń 38-shi gýbernatory bolyp saılanǵan. Qoǵamdyq pikirdiń saýalnamasy boıynsha, shtattyń 71%-y ony óz mindetin durys atqara almaıdy dep kórsetken. 2011 jyly burynǵy gýbernator qyzmetinen ketti.

AQSH-tyń zańnamasy boıynsha, akter eldiń prezıdenttigine saılana almaıdy. Óıtkeni ol Shtattyń aýmaǵynda emes, Avstrıada dúnıege kelgen. 

The National Prayer Breakfast? pic.twitter.com/KYUqEZbJIE

— Arnold (@Schwarzenegger) 2 fevralá 2017 g.