Búgin Astanada Sırıa boıynsha Reseı Iran, jáne Túrkıa delegasıalary men BUU ókili bas qosqan birlesken jedel toptyń otyrysy bastaldy, dep habarlaıdy "Qamshy".
Otyrysta ótken jylǵy jeltoqsannyń 29-y kúni jasalǵan kelisimge sáıkes ornaǵan beıbitshilik tártibin baqylaýǵa qatysty máselelerdi talqylaý jalǵasyn tabady.
Buǵan deıin qańtardyń 23-24 kúnderi Astanada ótken kelissózder qorytyndysy boıynsha Iran, Reseı jáne Túrkıa resmı ókilderi Sırıadaǵy atysty toqtatý tártibin qadaǵalaýdyń mehanızmin qurý týraly kelisken. Búgin Astanada mehanızmnyń jaı-japsaryn jáne onyń iske asyrylýyn talqylaıdy.
Reseıdiń qorǵanys mınıstri mundaı kezdesýler endi Astanada jıi ótip turatynyn málimdedi. Óz kezeginde Qazaqstannyń Syrtqy ister mınıstrligi basshysy Qaırat Abdrahmanov juma kúngi kezdesý tehnıkalyq sıpatta ótetinin jetkizgen edi.
Kezdesýde Reseı, Túrkıa, Iran men BUU, sondaı-aq, Iordanıanyń da ókilderi qatysatyn bolady.
