Eger "sahabalar áıelderin syıǵa tartqan" degen sózdi bireýdiń aýzynan estiseńiz, ol "halál nıkáh" dep qyzdardy aldaıtyn jıhadıst.
Eger: "Hıdjap kımegen, namaz oqymaǵan dinnen shyǵady" dep aıtatyn bolsa, ol vahabıst! Óıtkeni namaz oqymaıtyndar tek qana kúnáhar sanalady! Olardy kápir deýge eshkimniń haqysy joq! Eń birinshi paryz kálıma: "Lá ıláhá ılla ALLAH, Mýhammadýr RasýlALLAH" dep aıtqannyń bári musylman!
Eger siz ómirden alynǵan qazaqy maqaldardy aıtqanda, bireý sizge "ol maqal ǵoı, qazaq aıta beredi" deı berse, ol vahabıs-salafıt!
Eger bireý barlyq dástúrdi joqqa shyǵarsa, ol da bir vahabıst-salafıt, Qurannyń aıattarynyń tápsirin bilmeıtin! Óıtkeni Quranda jazylǵan ár el sharıǵatǵa qaıshy kelmeıtin ádet-ǵuryptaryn dinmen sabaqtastyryp ómir súrýi kerek degen!
Al, halıfat eshqashan qurylmaıdy! Ol da Quranda jazylǵan!
Al, kimde-kim JABBAR Iemiz "aspanda, kókte, jerde, onyń kózi bar, qoly bar, otyrady, turady" dep Jaratqannyń sıpaty men mekenine talasatyn bolsa, olar ne táńirshilder, ne vahabıster, sosyn ózderin salafıtpiz dep júrgender!
Qudaı "Yqylas" súresinde keremet sıpattalǵan! Ol sondaı týmaǵan da, eshnársege muqtaj emes, barlyq nárse Oǵan muqtaj, Onyń balasy joq, Ol Jalǵyz!
Dástúrli dinimizdi nasıhattaýshy ımamdardy "bıdǵatshy" dep júrgenderde jat aǵymdaǵylar! Olardan saq bolyńyzdar! "Ash báleden, qash bále" degen ǵoı!
Móldir Nurman, jýrnalıs
Aqparat Móldir Nurmannyń blogynan alyndy.
