24 tamyzda,  Astana qalasynda Konstıtýsıa kúnine arnalǵan jáne qazaqstandyq velosporttyń ǵasyrlyq merekesi aıasynda Astana qalasynyń ákimi Imanǵalı Tasmaǵambetov, «Týr de Frans 2014» qatysýshysy «Astana» velokomandasynyń kapıtany Nıbalı Vınchensonyń jáne otandyq velokomanda shabandozdary Iakob Fýlsang, Mıkel Skarponı, Maksım Iglınskıı, Dmıtrıı Grýzdevtyń, sonymen birge velokomandanyń bas menedjeri, Olımpıada chempıony Aleksandr Vınokýrovtyń qatysýymen merekelik velojoryq ótti. Bul týraly Baq.kz jazdy.

Merekelik velojarys qashyqtyǵy Astana qalasy,  «Saltanat Saraıy» aldyndaǵy alańnan «Astana Arena» stadıony aldyndaǵy alańǵa deıin uzaqtyǵy – 4600 m bolǵan. Jarystyń ereksheligi - tirkelý kezinde ár qatysýshyǵa lotereıa bıletiniń nómiri retinde eseptelingen qatysýshynyń tirkeý nómiri berilgen. Sporttyq saıys qana emes,  salaýaty ómir saltyn nasıhattaý jáne dene shynyqtyrýmen shuǵyldanýǵa, onyń ishinde velosıped sportyna jastardyń nazaryn aýdartýdy maqsat etken merekelik jarys  aýksıonynan jáne velojoryqtan túsken qarajat «Qaısar» astanalyq sport klýbynyń tálimgerlerine, múmkindigi shekteýli jandar arasynda sportty damytýǵa arnalmaq eken.

 Qamshy-aqparat