Álem boıynsha múıiztumsyqtar joıylyp ketýdiń aldynda turǵanda, Úndistannyń ulttyq «Kazıranga» saıabaǵy atalmysh janýardy kóbeıte aldy. Ol úshin ańshylardy atýǵa zań boıynsha ruqsat berilgen. Saıabaqta 50-ge jýyq adam kóz jumǵan eken. Alaıda, onyń barlyǵy brakoner emes bolyp shyqqan.

Úndistan múıiztumsyqtarynyń kólemi Afrıkadaǵylarmen salystyrǵanda kishkentaı. Sondyqtan brokonerler oǵan kóp ýaqytqa deıin nazar aýdarmaǵan. Alaıda aq, qara múıiztumsyqtylar joıylyp ketkennen keıin, «Kazıranga» saıabaǵyndaǵy janýardy nazarǵa alǵan.

Kóptegen adamdarda múıiztumsyqtynyń múıizi rak pen erektıldi dısfýnksıany emdeı alady degen qate senim bar deıdi sarapshylar. Osyǵan baılanysty oǵan degen suranys kóp jáne múıiz óte qymbat turady. 100 gramy 6000 dollarǵa baǵalanady.

Saıabaq qyzmetkerlerine brakonerlerdi atýǵa ruqsat berilgennen keıin múıiztumsyqtylardyń sany artqan. Alaıda saıabaqqa jaqyn mańda turatyn halyq zardap shege bastady. Qarapaıym adamdar jıi qatelikpen oqqa ushatyn bolǵan.

Onyń ishinde 7 jastaǵy Asak Orangta bar. Onyń aıaǵynan atyp jibergen. Asak endi eshqashan burynǵydaı júre almaıdy. Ázirshe aǵasy ony kóterip júr.  Saıabaq basshylyǵy ótemaqy retinde 3000 dollar bergen.

Turǵyndar saıabaq qyzmetkerleri óz qyzmetin asyra paıdalanady dep shaǵymdanady. Biraq olardyń bul shaǵymyna qulaq asatyn eshkim bolmaı otyr.