RF Taýly Altaı óńirine qarasty «Qosh aǵash» aýdanynyń basshysy Áýelhan Jatqanbaevty para aldy degen kúdikpen tutqynǵa aldy dep habarlaıdy baq.kz.
Oqıǵa 22 aqpan kúni oryn alǵan.
Ol ótken jyly qańtar aıynda mektep qurylysyn aýksıon arqyly satýda jeńiske jetýi úshin bássaýdaǵa qatysýshydan 3 mln. rúbl kóleminde para alǵan dep aıyptalyp otyr. Óziniń eshqandaı kinásiz ekenin aıtqan Áýelhan Jázıtuly sot zalyna jedel-járdem qyzmetkerlerin shaqyrtýǵa májbúr boldy. Sebebi onyń densaýlyǵy syr bere bastaǵan.
Al osy oqıǵaǵa baılanysty Áýelhan Jatqanbaevtyń uly Meıirim Jatqanbaevqa habarlasyp, istiń mán-jaıyn suraǵanda, ol bylaısha jaýap berdi. Jáne osy jan aıqaıyn janashyr jandarǵa jetkizýimizdi surady.
«Assalaýmaǵalaıkým qandastar!!! Men Reseı Altaı ólkesiniń, Qos-Aǵash aýdanynyń turǵynymyn. Ákem Jatqanbaev Áýelhan Jazıtuly, osy aýdannyń ákimi. At tóbelindeı azǵantaı 12 000 qazaǵyna búkil ómirin, densaýlyǵyn aıamaı eńbek etti. Jergilikti halqynyn qoldaýymen 4 márte aýdan ákimine saılanyp, jumysyn zor atqardy. Eliniń úmitin aqtap, keleshekte óser urpaǵyna jol siltedi. Joǵarǵy jaqtaǵy orys pen altaı ultynyń tapsyrmasy boıynsha bul adam endi kerek emes dep saıasat qýdalaýyna tústi. Jasamaǵan iske jala jaýyp, esh bir naqty dálelsiz aparyp qamap tastady túrmege. Densaýlyǵy onsyz da nashar adamdy qan qysymy joǵary jáne júregi nashar adamdy esh bir nársege qaramastan qamady. Bir sózben aıtqanda oryssha " Besspredel" jasady. Úlken bas mýftııdi de kirgizbeıdi kirip dem salyp júregine sabyrlyq uıalatyp kirsin dese de. Jergilikti turǵyndar, eli jurty, aǵaıyny jınalyp alańǵa shyqsa bostandyq pen ádilettik surasa, polısıa bárin shetinen qýyp qamaımyz dep qorqytýda. Búkil halyq jylap eńirep qaıǵyryp otyr. Kelesi kezek jan uıasyna qaýip tónip tur. Úlken qyzy, meniń apaıym ol ekemiz Qazaqstan azamatymyz bizdi de qamaýǵa almaqshy. Aınalaıyn qazaǵym, alystaǵy qandastaryńyzǵa qol ushtaryńyzdy sozýyn suraımyz. Aldymen Alladan duǵa tilep, jeńildigin bersin. Búkil áleýmettik jelige maksımaldyq repost jasap bólisińizder, Elbasyna jetkizý kerek bul jaǵdaıdy. Nazarsyz qaldyrmaıtyn shyǵar dep úmittenemiz...» - deıdi Meırim Jatqanbaev.
Ázirge Áýelhan Jazıtulynyń ústinen qozǵalǵan qylmystyq isti reseılik BAQ jarysa jazyp, aq isin qara etýge tyrysyp jatyr.
Áýelhan Jazıtuly osy óńirde alǵashqy ret halqyna Naýyryz toıyn, búrkit toıyn ótkizip alǵashqy ret Halyqaralyq Azıa chemptonaty Qazaq kúresten ótkizgen edi. Azıa Chempıonatynyń qazaq kúresiniń alǵashqy prezıdenti. Sovet Ókimet qulaǵannan keıin eń alǵash meshit saldyryp Atamekennen shákirtter oqytyp aldyrdy. Qazirgi kezde aýdan kóleminde 9 meshit saldyrdy. Dúnıejúzi qazaqtar qaýymdastyǵyna 4-5 ret at salysa kómegin kórsetip úlken is sharalarǵa qatysty. Atameken, tarıhı Otany - Qazaqstanmen tyǵyz baılanys jasap, ár salada istegen isi zor. 4-shi ótken Dúnıejúzi qazaqtar qýryltaıynda Elbasy Nazarbaev eki eldiń arasynda atqarǵan isin baǵalap, alǵystan basqa aıtarym joq dep edi. Bul adam marapattalǵan medal, ordenderi de az emes. Arasynda Reseı dinı ortalyǵy mýftıı Ashırovtyń "Al-Ihsan" ordeni de bar. Negizi "ańdyǵan jaý almaı qoımas" degen sóz beker emes eken. Eshkimge bas bermeı, azǵana qazaǵanyń namysyn qorǵap, ultynyń janashyry bolyp keldi. Biraq ulty unamady ma, álde isi unamady ma belgisiz, qyr sońyna túsip, aqyry túrmege qamady. Bul qazaq halqynyń jan aıqaıy. Búgingi kúni Mońǵolıa, Qazaqstan, Reseıdegi Áýelhan Jázıtulyn tanyıtyn qazaqtar onyń bas bostandyǵyn alýyn surap otyr.
Qazir Áýelhan Jatqanbaev qamaýda.
