Sizder meni kim dep oılap júrsizder? Jáı ǵana satırık dep pe? Byltyrdan beri Reseı prezıdenti Vladımır Pýtınmen ishek-qaryndaı aralalasyp júrmin. Áıelimen ajyrasqanda da «qutty bolsyn!» aıtyp, baryp qaıtqanmyn. Kremlge... Keshegi «Selıger–2014» jastar forýmynda sóı¬le-gen sózine jynym kelip, «bratıshkaǵa» sálem hat jazǵan edim, sony oqyp bereıin: ...Altynnan arzan, aıýdan tyrnaqty, tympıǵan «bratıshkam» meniń Vladımırjan! Kak dela? Ýkraınaǵa shabýyldy bastap ketipsiń ǵoı, e? "Qoı" dep edim ǵoı? Uıalmaısyń ba? Beıbit halyqtyń qany tógildi ǵoı... Ýkraına prezıdenti Poroshenko ekeýiń Shymkentke, bizdiń úıge kelip ketseńshi? Bir qoı soıyp, aralaryńa bir shısha araq qoıyp, ekeýińdi jarastyryp jibereıin! Amerıkanyń aıtaqtaryna bola abyroılaryńnan aıyrylyp ne boldy, sonsha? Vladımırjan, ótkende bir qap qurt salyp jibergenmin. Soryp júrsiń be? Saıasatta sharshasań, qurt sorǵan jaqsy. Kelip ketseńshi... Ótkendegideı monshaǵa baraıyq. Arqamdy ezip beresiń... Aıtpaqshy, balaly boldym, qutty bolsyn aıtyp kelmediń ǵoı? Qolyń tımedi me, ne? Ana Jırınovskıı jyndyńa aıtshy! «Qýa» bermesin! «Ýkraınany bir jaqty etip bolǵan soń, kelesi kezek– Qazaqstandyki» dep ottap otyr ǵoı, tumsyǵyna men úshin bir perip jibershi! Meni «aǵa» dep syılaıtynyńdy bilemin. Biraq «Selıger–2014» jastar forýmynda sóılegen sóziń unamady maǵan. «Qazaq jerinde buryn memleket bolmaǵan» dediń be? Uıatsyz ekensiń ǵoı á? Óı, maǵan yzbandamadyń ba? Suramadyń ba? Qazaq tarıhyn aıtyp beretin edim ǵoı! Bilmeseń, neń bar aıtyp? «Keńes ókimeti bolmaǵanda, qazaqtar kóship-qonyp júre berer edi» degiń keldi ǵoı á? El bolmasaq, Abylaıhan qaıda qaldy? Kenesary han she? Kereı men Jánibekten bastalatyn handardy qaıda qoıamyz? Ábilhaıyr, Áz Táýkeler she? Vladımır, shovınıs bolmasańshy? Men seni jaqsy kóremin, biraq, ókpeledim saǵan... Keshikpeı, Pýtınnen hat keldi. Oqyp bereıin á?
Prıvet, ývajaemyı Mýhtar! Hatyńdy alyp, qýanyp, keıingi áıelime oqyp berdim. «Oı, ýjas, sen ne degensiń? Nemedlenno keshırım sýra...» dep jatyr. Ózińe baryp qaıtýǵa, Ýkraınadan qol tımeı ketti. Soǵys bitken soń ekeýmiz seniń naǵashy aýlyńa–Aqtasqa baryp qaıtaıyq ta? Qoshqarata áýlıege baryp táý etip qaıtpasam... Jolym bolmaı ketti tegi... Ýkraınaǵa baılanysty eýropalyq sanksıalar qan qysymymdy kóterip jiberdi. Senderde qan qysymyn emdeıtin táýipter kóp deıdi ǵoı. Baryp qaıtsaq jarar edi... «Qazaqstanda buryn memeleket bolmaǵan» dep ásheıin aıtyp qoıyppyn. Keshir, Mýha... Búkil qazaq halqynan keshirim suraımyn. Ásheıin, oınap aıta salyp edim... Poka, bratan...
Muhtar Sherim. (Facebook-tegi paraqshasynan aldyndy.)
