«Qamshy» portaly Alash ordanyń 100 jyldyǵyna oraı bıylǵa 5 is-sharany atqarýdy josparlaǵan. Onyń eń birinshisi retinde 2017 jyly 5 naýryzda Almatydaǵy  A.Baıtursynuly murajaı-úıinde Alash arystarynyń rýhyna arnap as berildi. Endi «Júz aǵash otyrǵyzý» aksıasy bastaldy. Bul sharaǵa Almaty qalasy ákimshiligi qoldaý kórsetip otyr. Atap aıtqanda qala ishinen aǵash egýge laıyqty jer telimi usynylatyn boldy. Osyǵan oraı naýryz aıynyń sońy men sáýir aıynyń basynda aǵash otyrǵyzatyn jer men ýaqyt belgilenedi. Ázirge belgili bolǵandaı, qala ishinde jemis-jıdek aǵashtaryn otyrǵyzýǵa tyıym salynǵan eken. Otyrǵyzylatyn aǵashtyń bıiktigi úsh metrden kem bolmaýy negizgi sharttardyń biri. Ondaı aǵashtyń ortasha baǵasy 7000-10000 tg.kóleminde kórinedi.

«Qamshy» portaly Alash arystaryna arnalǵan barlyq is-sharany halyqtyq deńgeıde ótkizýdi áý bastaǵan habarlaǵan. Sondyqtan da «100 aǵash otyrǵyzý» sharasyna kez kelgen adam qatysa alady. 1000 aǵash otyrǵyzyp jatsaq, tipten quba-qup. Onda halyqtyń óz kúshimen «Alash Aleıasyn»  jasaý esh qıyndyq bolmas edi.  Eger Alash arystarynyń rýhy rıza bolsyn, erteńgi urpaǵymyz sol aǵashtar saıasynda esil erlerdiń eńbegin eske alsyn deseńiz, osy ıgi sharadan qapy qalmańyz. Nıet bildirgen azamattar óz aty-jónderimen qosa baılanys derekterin osy materıaldyń astynda pikir retinde jazyp qaldyrýǵa bolady. Al aty-jónderin jarıa etkisi kelmegen azamattar «Qamshy» portalynyń qamshy@gmail.com elektrondy poshtasyna jiberýge bolady. Sharanyń kúni, ýaqyty naqtylanǵan kezde tirkelýge ótinish bergen azamattarǵa qońyraý shalynyp, mán-jaı habarlanady.

Biz Alash arystarynyń oı ormanynan áli de otyn alyp júrmiz... Al Sizdiń urpaǵyńyz ákesi ekken aǵashtyń aıasynda uly muratyna tamyzyq alatyn bolsyn!

Qurmetpen, «Qamshy» portalynyń redaksıasy.