Kelesi jyldan bastap áıelderdiń zeınet jasy birtindep kóterile bastaıdy dep habarlaıdy «Qamshy» portaly «Sputnik-ke» silteme jasaı otyryp. Osyǵan birinshi bolyp ilikkender, ıaǵnı, 2018 jyldyń birinshi shildesinen 58,5 jasynda zeınetke shyǵatyn  áıelder zeınetaqy kóleminen utatyn bolady, dep habarlady QR Eńbek jáne halyqty áleýmettik qorǵaý mınıstri Tamara Dúısenova.  "2014 jyly zeınetaqy júıesin odan ári jańǵyrtý jóninde konsepsıa, zań da qabyldandy. 2018 jyldyń birinshi qańtarynan bastap zeınetaqy jasyn kezeń-kezeńimen arttyrý bastalady. Zeınet jasyn 63 jasqa deıin jetkizýdi on jyl ishinde júrgizemiz. Ol 2018 jyldan 2028 jylǵa deıin jarty jyldan kóterilip otyrady. Iaǵnı bizdiń áıel azamattarymyz 2028 jyly ǵana 63 jasqa kelip zeınetke shyǵatyn bolady", — dedi úkimette ótken baspasóz máslıhatynda Dúısenova.Osylaısha, kelesi jyly birinshi qańtarda zeınetke shyǵýy tıis áıelder jarty jyldan keıin, ıaǵnı birinshi shildeden bastap shyǵady. Mınıstrdiń aıtýynsha, osy ýaqytta zeınetke shyǵatyn áıelder qaıta utady eken. Dúısenova atap ótkendeı, búginde elimizdegi zeınetaqy  júıesiniń úsh qarjylandyrý kózi bar. Al álemdik tájirıbe kórsetip otyrǵandaı, kópdeńgeıli júıe turaqty jáne jaqsy zeınetaqy alýǵa múmkindik beredi. "Memleket bazalyq zeınetaqyny 2005 jyldan bastap endirip, tólep keledi. Ekinshiden, azamattar ózderi de zeınetaqy júıesine qatysýy kerek. 1998 jyldan bastap barlyq jumys isteıtin azamattar óz jalaqysynyń on paıyzyn jınaqtaýshy zeınetaqy qoryna  aýdarady. Úshinshiden, jumys berýshi 2020 jyldan bastap zeınetaqy júıesine qosylyp, óz qarajaty esebinen bes paıyz tóleıtin bolady", — dedi Dúısenova.