Uzynaǵashta Qastandyqpen óltirilgen úsh azamattyń (Jarqynbek Doldanuly, Muhıat Zarlyhanuly, Qadylbek Álemqanuly) týysy Tursyn Ámirbaıdyń «Qysqa ǵumyr» atty óleńi.

«Qurmetti aǵaıyndar, qadirli el-jurtym, sizderge malym bizdiń áýletimizde óte aýyr qaıǵyly jaǵdaıdy basymyzdan ótkizdik. Biz qaıǵyrsaq sizderde qaıǵyrdyńyzdar, kóptep kómektestińizder. Bul isterińizge Alla razy bolsyn. Men osy úsh azamattyń týystary atynan Bastan aıaq kómektesip izdesken, ár turly kómek kórsetken Jakýlın áýletine, túrli áleýmettik jelidegi toptar men qaıyrymdy jandarǵa, Aqparat quraldaryna, Uzynaǵashtaǵy barlyq aǵaıyn-týys, jalpy el jurtyma úlken alǵysymdy bildiremin. İnilerime arnap «qysqa ǵumyr» dep biraz óleń jazdym:

Jalǵanda-jalǵan, jalǵan-aı, 

Jalǵanda mundaı bolǵan ba-aı. 

Qos Arystan aırylyp, 

Basyma qaıǵy ornady-aı. 

Esime alamyn eńirep, 

Muqıat, Jarqyn senderdi. 

Qapıada kettińder, 

Zar jylatyp elińdi. 

Ańyrap Qaldy aýylyń, 

Áke-sheshe, aǵa-baýyryń. 

Jylaı-jylaı taýsyldy, 

Kózdiń jasy baýyrym. 

Jylap qaldy óz jurtyń, 

Qaıǵy shekti el jurtyń. 

Halqyma myń-myń rahmet, 

Toqtaý aıtty el jurtym. 

Bul jalǵannyń qıyny-aı, 

Qaıǵy tústi basyma. 

Jas kettiń qaıyran Jarqynm, 

Otyz jeti múshel jasyńda. 

Muqıatym arysym, 

Kelýshi ediń aýylǵa. 

Sálem berip turýshy eń, 

Úlken kishi baýyrǵa. 

Aınalaıyn Qadylbek, 

Oınap kúlip júrýshi eń. 

Otyrǵan jerińdi kúldirip, 

Bir qýantyp turýshy eń. 

Anańda ketti jarqynym, 

Oılaı-oılaı ózińdi. 

Qulaq salyp tyńdaýshy et, 

Árbir aıtylǵan sózińdi. 

Qalǵan analar jylaıdy, 

Kózdiń jasyn bulaıdy. 

Amandyq tilep qaıtadan 

Alladan ıman suraıdy. 

Artyńda qaldy analar, 

Kelinder men balalar. 

Deni saý bolsyn solardyń, 

Ornynda bar ońalar. 

Oılaımyn Jarqyn, Muqıat 

Sol bir ótken kúnderdi, 

El aralap jol júrip, 

Qaıta qaıtqan túnderdi. 

Muqıatym, jarqynym 

Kúlip-oınap júrýshi eń. 

Qandaı jaǵdaı bolsa da 

Atylyp alda turýshy eń. 

Artymnan ergen sender eń, 

Kim bolar endi qasymda. 

Oılaımyn sony árqashan, 

Alpysqa keler jasymda. 

Eki taýdyń arasy-aı, 

Qos ózenniń jaǵasy aı. 

Sheıit bolǵan sol jerde 

Úsh musylman balasy aı. 

Qazaq eli qaıǵyrdy, 

Úsh arysynan aıryldy. 

Memleket qolǵa alyp, 

Dushpannyń qolyn qaıyrdy. 

"31 "arna "KTK "

Boldy meniń janymda. 

Aqyl aıtyp árqashan 

"Qamshy " júrdi qasymda. 

Erkin baýyr rahmet, 

Aralastyń bul jumysqa. 

Sotta jaqsy soz sóılep, 

Bel sheshtiń bul qylmysqa. 

Qara jer basty qaıǵyny, 

Ne shara bul jalǵanǵa. 

Endi aman bol el jurtym, 

Myna qysqa zamanda. 

Osymenen túgedi, 

Arman zarym tilegim. 

Aman bolsyn árqashan, 

Halqyma sony tiledim. 

«Nur otanǵa» rahmet, 

Jol kórsetti halqyma. 

Rahmet aıtam árqashan, 

Qara ormandaı halqyma. 

Ata jurtqa kelgen qazaǵym, 

Aman bolsyn otbasyń. 

Qaıǵy qasiret bolmasyn, 

Kóbeıe bersin bastaryń. 

Toqtaý aıtqan halqym-aı, 

Qazaqtyń jaqsy saltyn aı. 

Kómektesip júgirgen, 

Raqmet aıtam halqym-aı. 

Muqıat pen jarqynnyń kishi ákesi: Tursyn Ámirbaıuly. 

2017. 3. 2