AP 162/3 túzetý mekemesiniń eki qyzmetkeri birneshe márte chempıon atanǵan dzúdoshy Baqytjan Ábdikárimovty sýısıdke deıin jetkizýi múmkin dep habarlaıdy informburo.kz. Olar bul iste kúdikti bolyp sanalady.

Pavlodar oblysynyń prokýrorlary QR chempıony 45 jastaǵy Baqytjan Ábdikárimovty azaptaǵanyn anyqtaǵan. Osyǵan baılanysty atalmysh mekemeniń jedel ýákili jáne bólim basshysy tergeý ızolátorynda otyr.

«Jazasyn óteýshi 2016 jyldyń 24-shi aqpan aıynda kóz jumdy. 20 men 23 aqpan aralyǵynda bólim basshysy Kankın men jedel ýákil Muqanov QR chempıony Ábdikárimovty soqqyǵa jyqqan. Oǵan psıhologıalyq, moraldyq, fızıkalyq qorlyq kórsetip, jynystyq zorlyqpen qorqytqan» dep habarlady Pavlodar oblystyq prokýratýranyń arnaıy prokýrorlar basqarmasynyń basshysy Áset Sattybaev.  

Baqytjan Ábdikárimov birneshe márte ózine qol jumsamaq bolǵany anyqtaldy. Alaıda kolonıa basshylyǵy tarapynan eshqandaı qaýipsizdik sharalary qoldanylmaǵan.

«Medısınalyq sanıtarly palatada sportshy áınekti shaǵyp, ózine 130-ǵa jýyq jaraqat salǵan. Qylmys anyq bolmaǵandyqtan tergeý jumystary qıynǵa soǵýda. Jazasyn óteýshilerden de túsinikteme alyndy. Olar da kúdiktilerdiń tarapynan qysymǵa ushyraǵan. Sondyqtan olarǵa QR QK 361 bap 2-shi bólim – kýágerlerge qysym kórsetý boıynsha qosymsha aıyp taǵyldy. Muqanov pen Kankın óz kinálárin moıyndamaı otyr. İs tekserilgennen keıin sotqa jetkiziledi» dep habarlady Áset Sattybaev.

Baqytjan Ábdikárimov 2016 jyldyń 24-shi aqpanynda áınek synyǵymen ózine túrli jaraqattar saldy. Ábdikárimovke shuǵyl túrde medısınalyq kómek kórsetilgen. Alaıda sportshy esin jımastan qaıtys boldy.

Esterińizge sala keteıik, dzúdodan chempıon atanǵan sportshy Baıanaýyl aýdandyq sotynda eki adamdy qatigez túrde soqqyǵa jyqqany úshin 5 jylǵa bas bostandyǵynan aıyrylǵan.   

Ábdikárimovtyń týystary tergeýge senbeıtinderin aıtyp, ony óltirdi dep oılaǵan. 

Aýdarǵan: Ásem Álmuhanbet