2016 jyldyń 12 aıy boıynsha «Qazaqstan Halyq banki» AQ Biriktirilgen qarjy nátıjeleri týraly esebin jarıalady dep habarlaıdy Qamshy.kz tilshisi.

«Kredıtteýdiń ótimdiligi men toqtatyla turýynyń, teńgedegi joǵary mólsherlemelerdiń bolmaýymen kórsetilgen, qazaqstandyq komersıalyq bankterdiń jappaı barlyǵy úshin kúrdeli bolǵan jyldyń basyna súıene otyryp, 2016 jylǵa jasalǵan boljamdardyń jaǵymsyz bolýyna qaramastan, biz portfeldiń táýekelderi men sapasyna aıryqsha nazar aýdarýdy jalǵastyra otyryp, paıdalylyq boıynsha óz qarqynymyzdy saqtap qaldyq, kapıtalǵa 20% tómen emes kiristilikti qamtamasyz ete aldyq. Jyl boıy Qazaqstan Halyq banki ekonomıkanyń naqty sektoryn qarjylandyrýda belsendi túrde qatysty: sonymen, korporatıvtik jáne SHOB sektoryn usynatyn zańdy tulǵalardy kredıtteýdegi Halyq banktiń úlesi 14.7%-dan 15.3%-ǵa deıin ósti. Halyk toby banktiń top-menedjmenti óz is-qımyldarynda basshylyqqa alatyn negizgi qaǵıdatqa – «Qazaqstan Halyq Banki» AQ-nyń aksıonerlik qunyn arttyrýǵa súıene otyryp, komersıalyq banktik qyzmetterdi, ınvestısıalyq bankıngtiń qyzmetterin, saqtandyrýdy jáne brokerlik qyzmetterdi qosa alǵanda, qarjylyq qyzmetterdiń tolyq spektryn usynatyn qarjy toby retinde óziniń kóshbasshylyq ornyn nyǵaıta otyryp, óziniń damý strategıasyn júzege asyrýdy jalǵastyryp keledi, - dep Qazaqstan Halyq Bankiniń  Basqarma Tóraǵasy Úmit Shaıahmetova málimdedi.

«Qazaqstan Halyq Banki» AQ-nyń (budan ári – «bank») taza tabysy 2015j. 12 aıymen salystyrǵanda 9.2%-ǵa 131.4 mlrd teńgege deıin ósti.   

Qunsyzdaný rezervterine aýdarýǵa deıingi taza paıyzdyq tabys 2015j. 12 aıymen  salystyrǵanda 22.4%-ǵa 184.0 mlrd teńgege deıin ósti. Bul paıyzdyq aktıvterdiń ortasha qaldyqtarynyń 38.3%-ǵa ulǵaıýy jáne olar boıynsha ortasha paıyzdyq mólsherlemelerdiń jyldyǵy 10.5%-dan jyldyǵy 10.6%-ǵa deıin ósýi esebinen, negizinde Bank 2016j. sońǵy úsh toqsany ishinde satyp alatyn Qazaqstan Respýblıkasynyń Ulttyq Bankiniń notalary esebinen ósti.

Taza paıyzdyq marja 2015j. 12 aıyndaǵy jyldyǵy 6.2%-ben salystyrǵanda 2016j. 12 aıyndaǵy jyldyǵy 5.5%-ǵa deıin tómendedi. 2016j. 4 toqsany boıynsha taza paıyzdyq marja 5.3% qurady, 2015j. 4 toqsanymen salystyrǵanda burynǵy deńgeıde qaldy.

• Ortasha menshikti kapıtalǵa qaıtarym (RoAE) 2015 j. 12 aıy boıynsha jyldyǵy 24.4%-dan jyldyǵy 22.3%-ǵa deıin tómendedi;
• Ortasha aktıvterge qaıtarym (RoAA) 2015 j. 12 aıy boıynsha jyldyǵy 3.7%-dan 2.8%-ǵa deıin tómendedi.

Kórsetiletin qyzmetter boıynsha tabystar men komısıalar 2015 j. 12 aıymen salystyrǵanda 2016 j. 12 aıy ishinde, kóbinese plasık kartalarǵa qyzmet kórsetý, banktik aýdarymdar men kasalyq operasıalar boıynsha Banktiń tranzaksıalyq bıznesiniń ósip kele jatqan kólemi nátıjesinde 11.3%-ǵa ósti jáne 59 mlrd teńgeni qurady.

Paıyzdyq emes ózge tabystar (saqtandyrýdy shegerip tastaǵanda) 2015j. 12 aıyndaǵy jyldyǵy 40.1 mlrd teńgemen salystyrǵanda 2016j. 12 aıynda 20.6 mlrd teńgege deıin tómendedi.

Operasıalyq shyǵyndar 2015j. 12 aıymen salystyrǵanda kóbinese qyzmetkerlerdiń jalaqysyna jáne aqparattyq qyzmetterge jumsalǵan shyǵyndardyń ulǵaıýy esebinen 3.7%-ǵa ósti.

Operasıalyq shyǵyndardyń operasıalyq kiriske ara salmaǵy 2016j. 12 aıy ishinde paıyzdyq tabystyń joǵary bolýy esebinen jáne qyzmetter men komısıalar boıynsha tapqan tabystyń esebinen 8.3%-ǵa ósken operasıalyq kiristiń ósýi nátıjesinde 2015j. 12 aıyndaǵy 29.2%-ben salystyrǵanda 28.5%-ǵa deıin tómendedi.

Aktıvter 2016 j. 12 aıynda Banktiń depozıttik bazasynyń ulǵaıýy nátıjesinde 2015 jylǵy 31 jeltoqsanmen salystyrǵanda 20.1%-ǵa ósti jáne 5 349 mlrd teńgeni qurady.

Klıentterge beriletin zaemdar 2015 jyldyń 31 jeltoqsanymen salystyrǵanda brýtto negizde 5.0%-ǵa jáne netto negizde 6.6%-ǵa ósti. Klıentterge berilgen zaemdardyń brýtto ósimi korporatıvtik nesıelik portfeldiń (brýtto negizde +5.5%),  SHOB nesıelik portfeliniń (brýtto negizde +6.6%) jáne tutynýshylyq zaemdar portfeliniń (brýtto negizde + 6.2%) artýymen baılanysty boldy. Klıentterge berilgen zaemdardyń brýtto ósimi ıpotekalyq zaemdar portfeliniń (brýtto negizde –4.8%) tómendeýimen ishinara azaıtylyp otyrdy.

NPL 90+ QRUB ádistemesi boıynsha 2016j. 30 qyrkúıektegi 10.4%-ben salystyrǵanda  2016j. 31 jeltoqsanda 8.6%-ǵa deıin tómendedi. Mundaı tómendeý talap etý quqyǵyn toqtatpastan qalyptastyrylǵan provızıalar esebinen 20 mlrd teńge somasyna (negizgi borysh boıynsha) merzimi ótken qaryzdardyń esepten shyǵarylýyna baılanysty, Banktiń korporatıvtik klıentteriniń merzimi ótken bereshekti óteýi jáne nesıelik portfeldiń ósýi esebinen boldy.

Zańdy jáne jeke tulǵalardyń qarajaty 2016 j. 12 aı boıy Banktiń korporatıvtik jáne bólshek klıentteriniń teńgemen jáne sheteldik valútamen ornalastyrǵan jańa depozıtteriniń nátıjesinde, 2015 jylǵy 31 jeltoqsanǵa qaraǵanda 34.1%-ǵa jáne 16.4%-ǵa ósti.

Kredıttik mekemelerdiń qarajaty 2015 jylǵy 31 jeltoqsanǵa qaraǵanda 3.6%-ǵa tómendedi, kóbinese bul 2016 jyldyń ishinde aqsha naryǵynda (qazynashylyq vekseldermen REPO mámileleri) Qazaqstan Qor bırjasy arqyly banktiń jáne onyń enshiles uıymdarynyń bireýiniń qaryz alý kóleminiń tómendeýinen boldy.  2016 jylǵy 31 jeltoqsanda Banktiń kredıttik mekemeler aldyndaǵy mindettemeleriniń jartysynan kóbi kóbinese 2014 jáne 2015 jyldary «QazAgro» ulttyq basqarýshy holdıńi» AQ-nan, «Damý» kásipkerlikti damytý qory» AQ-nan jáne «Qazaqstannyń damý banki» AQ-nan ekonomıkanyń bólek sektorlaryn qoldaý boıynsha memlekettik baǵdarlamalar sheńberinde alynǵan qaryzdardan quraldy.

Shyǵarylǵan boryshtyq baǵaly qaǵazdar 2015 jylǵy 31 jeltoqsanmen salystyrǵanda kóbinese 2016 jyly 25 sáýirde aınalym merzimi 10 jyl jáne kýpon mólsherlemesi 15% bolatyn, ınflásıa mólsherlemesin shegerip, jergilikti tártiptendirilgen oblıgasıalardy 4 mlrd. teńge somasyna josparly óteý esebinen jáne 2016 jylǵy 9 qarashada Bank 2018 jyldyń qarashasynda bastapqy óteý merzimimen jáne jyldyǵy 13% kýpon mólsherlemesimen, jergilikti tártiptendirilgen oblıgasıalardyń taǵy bir shyǵarylymyn 5 mlrd. teńge somasyna erikti merziminen buryn óteý esebinen 2.1%-ǵa tómendedi.

31.12.2016j. jaǵdaı boıynsha banktiń boryshtyq baǵaly qaǵazdaryna:

• árbir shyǵarylym boıynsha kýpon mólsherlemesiniń jyldyǵy 7.25% bolǵanda, 2017j. mamyrynda jáne 2021j. qańtarynda birjolǵy óteýmen 638 mln AQSH dollary jáne 500 mln AQSH dollary somasyna ótelmegen evrooblıgasıalardyń eki shyǵarylymy;
• bank 2015 jyly «Biryńǵaı Jınaqtaýshy zeınetaqy qory» AQ-da kýponnyń jyldyǵy 7.5% mólsherlemesi boıynsha ornalastyrǵan jáne 2025j. aqpanynda ótelýge jatatyn  131.7 mlrd teńge somasyna jergilikti oblıgasıalar;
• bank 2014 jyly «Biryńǵaı Jınaqtaýshy zeınetaqy qory» AQ-da kýponnyń jyldyǵy 7.5% mólsherlemesi boıynsha ornalastyrǵan jáne 2024j. qarashasynda ótelýge jatatyn  100 mlrd teńge somasyna jergilikti oblıgasıalar kiredi.

2015 jyldyń 31 jeltoqsanymen salystyrǵanda «Qazaqstan Halyq Banki» AQ menshikti kapıtaly 2016 j. 12  aıda tapqan taza tabys esebinen 25.6%-ǵa ulǵaıdy jáne 666 mlrd teńgeni qurady.
 

SHOB-ty qoldaý boıynsha memlekettik baǵdarlamalarǵa qatysý

01.10.2017j. jaǵdaıǵa sáıkes «Bıznestiń jol kartasy 2020» kásipkerlikti qoldaýdyń jáne bıznesti damytýdyń biryńǵaı baǵdarlamasy aıasynda Qazaqstan Halyq Banki nesıelik portfeldiń kóleminiń jáne baǵdarlama aıasynda qatysýǵa maquldaý alǵan jobalar sanynyń kórsetkishteri boıynsha EDB arasynda kóshbasshylar qatarynda tur Osylaısha, Bank jobalar sany boıynsha birinshi orynǵa ıe - 207.6 mlrd. teńge paıyzdyq mólsherlemelerdi sýbsıdıalaý boıynsha portfeldiń kólemimen 1 499 joba (korporatıvtik bloktyń nesıelik portfeliniń kólemin esepke alýmen).

Sýbsıdıalanatyn portfeldiń kólemi jáne kepildik berý sheńberinde qol qoıylǵan sharttardyń somalary boıynsha «Qazaqstan Halyq Banki» AQ EDB arasynda ekinshi orynda tur.  Bank jeke kásipkerlik sýbektilerine beretin kredıtterine kepildik berý - «Damý» qorymen belsendi yntymaqtasýdyń kelesi baǵyty bolyp tabylady. Kepildik berý baǵdarlamasynyń áreket etý sátinen bastap «Qazaqstan halyq Banki» AQ-ta qol qoıylǵan kepildik sharttarynyń sany qor qol qoıǵan 2 596 sharttyń ishinen 576 (22.19%) quraıdy. Bul rette, «Qazaqstan Halyq Banki» AQ úshin qor kepildikteriniń somasy 7 669 mlrd teńgeni quraıdy, bul EDB klıentteriniń kepildikteriniń jalpy somasynan 19.25%-dy quraıdy. Atalǵan kórsetkishterdiń árbireýi boıynsha, kepildik berý baǵdarlamasyna qatysý aıasynda bank barlyq EDB arasynda 2-shi orynǵa ıe boldy.

Banktiń bólshek bıznesi

2016 jyly «Qazaqstan Halyq Banki» AQ bólshek bızneste óz ekspansıasyn kúsheıtti – máselen, bank jeke tulǵalardyń salymdary boıynsha naryqta kóshbasshylyq oryndy ustap turýdy jalǵastyryp keledi – ekinshi deńgeıdegi bankterdiń depozıtteriniń naryqtaǵy úlesi  20,65% quraıdy. 

Bólshek zaemdardyń nesıelik portfeliniń kólemi ósimniń oń dınamıkasyn kórsetedi, onyń úlesi 16.0%-dan 16.51%-ǵa deıin ósti, bul absolúttik órnekte 18.5 mlrd teńgeni quraıdy. Eń bolmaǵanda bir banktik ónimdi paıdalanatyn 7.4 mln. klıentten quralǵan Banktiń bólshek klıenttik bazasynyń dınamıkasy turaqty (olardyń ishinde belsendi klıentter 72,4% - 5.4 mln). 2016 jyly Qazaqstan Halyq banki shyǵaratyn tólem kartalarynyń sany 5.6 mln danaǵa deıin artty. Tólem kartalaryna qyzmet kórsetý boıynsha banktiń úlesi naryqtaǵy belsendi kartochkalar boıynsha 46.1% quraıdy.

Halyq bank Problemalyq kredıtter qory «Ipotekalyq turǵyn úı qaryzdaryn/ıpotekalyq qaryzdardy qaıta qarjylandyrý baǵdarlamasy» boıynsha bólgen qarjyny ıgerýdi jalǵastyrady».

28.6 mlrd teńge bólingen somadan:

• 21.712 mlrd teńge somadaǵy ótinishter qarastyryldy (bólingen lımıtten 76%)
• 18.684 mlrd teńge somaǵa qaıta qarjylandyrý maquldandy
• 2.4 mlrd. teńge somaǵa bas tartyldy (baǵdarlama talaptaryna sáıkes kelmeý sebebi boıynsha)
• 15.973 mlrd teńge somaǵa naqty qaıta qarjylandyryldy.

QR Ulttyq Banki Baǵdarlamanyń qoldanysyn 2017jyldyń 1 sáýirine deıin uzartty.

«Qazaqstan Halyq Banki» AQ Qazaqstan Respýblıkasy boıynsha eń tarmaqtalǵan fılıaldar jelisiniń birine ıe:

• halyqtyń barlyq segmentine qyzmet kórsetetin 22 oblystyq/óńirlik fılıal jáne 485 satý arnasy bar.
• 2016 jyly bankomattardyń sany 100 birlikke artty jáne barlyǵy 2 368 birlikti quraıdy. Jyl boıy tabıǵı jáne sapalyq eskirgen 300 bankomat aýystyryldy.
• 577  tólem termınaly ornatyldy.

Klıentter ıkemdilik pen jaılylyqty kóbirek baǵalaıdy – qashyqtyqtan satý arnalary arqyly jasalatyn tólemder sanynyń úlesi 01.01.2017 jylǵy jaǵdaıǵa sáıkes 75%-dy qurady, bul 2016 jyldyń basymen salystyrǵanda 6%-ǵa kóbirek. Klıentter myhalyk mobıldik bankıngti de belsendi túrde paıdalanady, bul degen Jeke tulǵalarǵa arnalǵan ınternet bankıngtiń tolyq nusqasy arqyly júrgiziletin tólemder men aýdarymdardyń jalpy úlesiniń 43%.

2016 jyldyń qorytyndysy boıynsha Google Play jáne App Store dúkenderinde «myHalyk» mobıldik qosymshasyn júkteýdiń jalpy sany 480 myńnan asty, bul qosymsha «Qarjy» sanatyndaǵy tegin qosymsha arasynda tanymaldylyǵy boıynsha top-úshtiktiń ishinde.

Keri baılanys alý jáne servısti jaqsartý úshin 2016 jyly Halyk Bank áleýmettik jelilerdegi qatysýyn kúsheıtti. Jelilerde jumys isteýdiń birinshi jylynyń qorytyndysy boıynsha Facebook-te, Vkontakte-de, Instagram-da jáne Twitter-de bank akkaýntyna jazylýshylardyń jalpy sany - 80 000-nan asty. Halyk Bank qazaqstandyq komersıalyq bankterdiń arasynda áleýmettik jelilerde eń joǵary kórsetkishke ıe (Engagement rate). Ótinishke jaýap berýdiń ortasha jyldamdyǵy 3-5 mınýt, ún qatýdyń paıyzy – 100%, ıaǵnı, klıentterdiń  ótinishterine bank jaýapty 3-5 mınýt ishinde qaıtarady.