«Qazaqstan ózge elderge gýmanıtarly kómek kórsetý úshin BUU qaýipsizdik Keńesindegi turaqty emes múshesi retinde strategıa jasaýy qajet».

Mundaı pikirdi Halyqaralyq ister, qorǵanys jáne qaýipsizdik komıtetiniń tóraǵasy Máýlen Áshimbaev bildirdi dep habarlaıdy "Qamshy" ratel.kz-ke silteme jasap.

«Áli kúnge deıin úkimet resmı túrde kómek kórsetý boıynsha arnaıy agenttik qurmady. Sońǵy jyldary Qazaqstan kórshi elder men Aýǵanstanǵa azyq-túlik, qajetti zattar men mektepter, aýrýhanalar salyp, jastardy Qazaqstanda oqytý arqyly kómek kórsetýde. Sońǵy jyldary Qazaqstannyń atalmysh kómek kórsetýge 350 mıllıon AQSH dollar bóldi. Bul óte úlken somma» dedi Áshimbaev.

Ortalyq Azıa elderimen mundaı qarym-qatynas syrtqy saıasatqa oń áserin berýi múmkin ekenin de atap ótti.

«Qazaqstandyqtarda, onyń ishinde áriptesterim depýtattardyń da arasynda ózge elderge kómek kórsetýdiń qajeti joq degen pikirdegi adamdar bar ekenin bilemin. Alaıda bul qaıyrymdylyq emes. Bul syrtqy saıasatqa oń áserin beretin, bolashaqta qaıtarymy bolatyn kómek. Eshqandaı memleket kórshi elderde másele shash etekten bolǵan jaǵdaıda, gúldene almaıdy.  Aınalada qordalanaǵan másele aınalasyna onyń ishinde Qazaqstanǵa keri áserin beredi» dedi Áshimbaev.

Qazir Qazaqstan Aýǵanstanmen áripstestik qarym-qatynas ornatý jobasymen aınalysp jatqanyn da atap ótti.