Ózbekstannyń tuńǵysh prezıdenti Islam kárimovtiń kenje qyzy Lola Kárimova-Tılláeva Ortalyq Azıa bıleýshisi, qolbasshy Ámir Temirdiń nemeresi Ulyqbek jaıynda derekti fılm túsirdi, dep habarlaıdy qamshy.kz. Fılmniń ataýy – «Ulyqbek. Qıyn joldardan juldyzdrǵa». Ulyqbek jaıyndaǵy fılm Lola men onyń jary Tımýrdyń kıno álemindegi alǵashqy týyndysy eken. Bul jaıynda Lola Kárimova óziniń Feısbýk paraqshasynda bólisti.

«Derekti fılm orta ǵasyrda ómir súrgen oıshyl, ǵalym Ulyqbektiń ómirine arnalady. Ulyqbek jaıynda fılm túsirýdi burynnan josparlap júrgenmin. Atalmysh tarıhı tulǵa meni bala kezimnen qyzyqtyrdy. Ol bilimdi ǵana bolyp qoımaı, adamgershilik qasıetteri joǵary ári elin súıgish basshy da bola bildi. Ulyqbektiń esimin aty álemge áıgili ǵalymdar Galıleo Galıleı, Kopernık, Djoans Keplerlermen qatar ataýǵa laıyq tulǵa. Ulyqbektiń bıligi kezinde Samarqand astronomıa ǵylymdarynyń ortalyǵy bolyp esepteldi».

 Fılm senarıin jazyp shyǵý ońaı bolmaǵany anyq. Uly tulǵanyń ómirin túbegeıli halyqqa tanystyrý úshin Lola Kárimova-Tılláeva kóp izdengen.

Sondaı-aq, onyń aıtýynsha fılmdi túsirý barysynda Ózbekstanda turatyn, tarıhty sezine alatyn adamdarmen ǵana jumys istegen. Ulybrıtanıa, AQSH, Fransıa, Ózbekstan, Danıa, Reseı, Nıderland elderinen ataqty ǵalymdar shaqyrylǵan.

Ózbekstandyq jáne qazaqstandyq kaskaderlerdiń qatysýymen túsirilgen fılm kórermenge aldaǵy ýaqytta jol tartady.