Samat Ábdisheıh esimdi Bangladeshtiń 60 jastaǵy turǵynyn jerlesteri «aǵash Samat» atap ketken. Kúnde bir tal ekkeni úshin. Ol jarty ǵasyrǵa jýyq, dáliregi, 48 jyl boıy kúnine bir taldan egip otyrǵan. Samattyń ózi rıksha bolyp jumys isteıdi, ıaǵnı, nápaqasyn adam tasýmen taýyp júr. Sondaǵy bar tapqany – kúnine 1 evro.

Onyń bir derti bar – túnde kóz ile almaıdy. Talaı jyldan beri kórer tańdy kózben atyryp keledi. Iaǵnı, uıqysyzdyqtan azap shegip keledi. Ol bastapqyda eki qolyn aldyna syıdyra almaıdy, qur qarap otyrmaı tal egýdi ádetine aınaldyrady. Óziniń esebi boıynsha, jańylyspasa, osy ýaqytqa deıin 17 532 aǵash otyrǵyzǵan. Ol taldy memleket menshigindegi jerge egýge tyrysady. Óıtkeni, aǵashty kesip alýǵa memlekettiń kárinen jasqanyp, eshkimniń batyly barmaıdy.

«Men tek egip qana qoımaı, olardy sýǵaryp, óskenshe qadaǵalaımyn. Men tabıǵatty, sonyń ishinde, taldy qatty jaqsy kóremin» der edi ózi týrasynda ol. Onyń aıtýynsha, bul – óz otanyna paıdasyn tıgizgisi keletin osy zamanǵy adamnyń beınesi.