Hanıtta «Mınt» Fasaeng esimdi arý «Miss Uncensored News Thailand 2015» ulttyq sulýlar baıqaýynda bas júldeni jeńip alyp, «Mıss» tájin taǵady. Marapattaý rásimi óte salysymen boıjetken týǵan ólkesine jol tartyp, ómir boıy qoqys tazalaýshy bolyp jumys istep kelgen anasynyń aıaǵyna jyǵylǵan. Osylaısha qyz anasyna degen sheksiz qurmetin bildirgen. 

Mınttiń aıtýynsha, ol eshqashan anasynyń jumysy úshin uıalǵan emes. «Anam da, men de nanymyzdy adal eńbekpen tabamyz, ne úshin uıalýym kerek?», - deıdi qyz tilshilerge bergen suhbatynda. 

Mınt kedeıliktiń azabyn bir kisideı tartqan. Mektep bitirgen soń qarajat tapshylyǵyna baılanysty kolejde oqı almaǵan. Ákesi men sheshesi ajyrasqan qyz bir úzim nan taba almaı qınalǵan kúnderin eske aldy. 

Qoqys tazalaýshy bolyp jumys istese de, qyzyn jeńimpaz etip tárbıelegen ananyń kúsh-qýatyna kúlli álem tańyrqady.

Derekkóz: massaget.kz