|
Toqtar Serikov qazaq qyzdarynyń qytaı jigitterine turmysqa shyǵyp jatqan qyzdarǵa qatysty óz oıyn bildirdi. Onyń aıtýynsha, qytaı jigitterine ar-namysy, tegi joq jezókshe qyzdar turmysqa shyǵýy múmkin. Al naǵyz qazaqtyń men degen namysqoı qyzdarynyń ondaı qadamǵa barmaıtynyna senedi. |
Bul týraly Toqtar Serikov Áıgerim Seıfollamen «Syrlasý» baǵdarlamasynda suhbattasý barysynda aıtqan, dep habarlaıdy qamshy.kz.
«Men qazaq qyzdarynyń bárin qyzǵanamyn. Ótkende qazaqtyń qyzdary qytaıǵa tıeıin dep jatyr dep ınstagramdy shýlatty. Men bir kisideı, jyn soqqandaı aýyrdym. Men qyzǵandym. Kádimgi óz áıelimdi, úıdegi qyzymdy, týǵan qaryndasymdy alyp ketetin sıaqty qyzǵandym. Jylaǵym keldi», – dep jan jarasyn aıtty ánshi.
«Meniń qaryndastarym onsyz da sanaly, attaryn aıtpaı-aq qoıaıyn, qazaqtyń men degen qyzdary, olar bizden de namysqoı. Qazaqtyń qyzdary jigitterden de namysty. Namys sondaı bolyp tur, olardyń tıýi múmkin emes, olar mensinbeıdi de. Qytaıǵa tıetinder kimder? Jezókshe qyzdar tıedi, ábden bolǵan, ar-namysy, tegi joq, qany joq, qazaqqa túri ǵana uqsaıtyn bireýler tıýi múmkin. Olar tıse tıe bersin, qaıǵyrmaımyn. Al naǵyz meniń qaryndastarymnyń tıýi múmkin emes. Baı kókelerdi mensinbeı júrgender tımeıdi. Olar naǵyz óz mahabbattaryn izdep júrgen qazaq qyzdary. Qudaıǵa shúkir, táýbe. Olardan naǵyz batyrlar týady, el deıtin, jurt deıtin, tym quryǵanda at úrkıtin azamattardy dúnıege ákeletinine men senemin», – dep sózin qorytyndylady.
