Taldyqorǵandyq tártip saqshylary iri kólemdegi geroın partıasyn tárkilendi dep habarlaıdy 24.kz.
Bul joly sómkesiniń túbindegi qupıa qaltaǵa 1,5 keli esirtki zatyn salyp alyp, oblys ortalyǵynda taırańdap júrgen shetel azamaty qolǵa tústi. Taldyqorǵanǵa Almatydan kelgen qylmysker TMD elderiniń biriniń azamaty bolyp shyqty. Onyń bizdiń elimizde buryn sottalǵany da anyqtaldy. Esirtki bıznesimen aınalysyp, ońaı jolmen aqsha tapqysy kelgen sheteldik ýaqytsha qamap ustaý ızolátoryna toǵytyldy.
Qazir osy oqıǵa boıynsha qylmystyq is qozǵaldy. Endi ol iri kólemdegi esirtki zatyn zańsyz saqtap, taratýmen aınalysqany úshin zań aldynda jaýap beredi.
Avtory: Ardaq Aıbaruly
