Ulybrıtanıalyq 34 jasar jeti balanyń anasy óziniń taǵy da aıaǵy aýyr ekenin bilip óz ózine qol jumsady dep habarlaıdy «Qamshy» portaly The Sun gazetine silteme jasap.

Karla Mýrag pen onyń jubaıy Metú jeti balanyń ata anasy. 14 aılyq pen 15 jas aralyǵyndaǵy balalardyń anasy byltyrǵy jyldyń tamyz aıynda aıaǵy aýyr ekenin bilip qatty tańqalǵan. Qarjylyq daǵdarysty bastan keshirip júrgen ekeýi oılna kele, Karlanyń densaýlyǵynyń máz emestigin eskere kelip, balany aldyrtýǵa bel býǵan.

«Ol óte qapaly boldy. Biz jetinshi balany asyraı alamyz ba, qalaı baǵyp qaǵamyz degen másele ony jegideı jedi» dep esine aldy kúıeýi Metú. 

Sýısıdke deıin toǵyz kún buryn Karla  óz sheshimin ózgertip balany qaldyram dep sheship, analızderdi tapsyrý týraly aıtqan» deıdi dáriger.

Metúdiń aıtýy boıynsha sol kúni Karla birtúrli kóńil kúıde boldy. Alaıda asa qatty qobaljýly bolǵany baıqalmaǵan.

Karla balalarynyń bireýiniń týǵan kúnine daıyndalyp, tamaq jasaı bastaǵan, al kúıeýi sýpermarketke tort alýǵa ketken. Kúıeýi úıge kelgen soń Karla oǵan óziniń jaısyz sezingenin aıtyp, bólmesine ketip qalǵan. Arada biraz ýaqyt ótken soń Metú áıelin darǵa asýly kúıinde bólmeden tapqan. Ol ony qutqarmaq bolyp, dárigerler shaqyrǵan. Alaıda, áıel baqılyq bolyp ketken, balasyn da aman alyp qalý múmkin bolmaǵan.

Sarapshylar Karlanyń qanynyń quramynda ishimdik pen antıdepresanttardyń bar ekenin anyqtaǵan. Tergeý áreketteri  dárigerde eshqandaı kiná joq ekenin anyqtady.