Úsh jyl boıy Qazaqstanda quldyqta boldym degen novosibirlik fızık otanyna oraldy, dep habarlaıdy «Qamshy» portaly inform.kz-ke silteme jasap.
. «Iýrıı Obrazsov Almatydan Novosibirge ushyp keldi. Tolmachevo áýejaıynda er adamdy novosibirlik polısıa qyzmetkerleri kútip aldy. İzdestirý sharalary jaqynda resmı túrde aıaqtalady, alaıda eki eldiń polısıasy novosibirliktiń joǵalyp ketýiniń sebebin anyqtap, sońǵy úsh jylda bolǵan jaıttyń mán-jaıyn anyqtaýy tıis», - delingen Reseı İİM óńirlik bas basqarmasynyń habarlamasynda.
2014 jyly polısıaǵa 1962 jyly týǵan er adamnyń joǵalyp ketkeni týraly habar tústi. İzdeý salǵan onyń aǵasy bolatyn. Joǵalǵan er adamǵa federaldy izdeý jarıalandy. 2017 jyly naýryz aıynyń basynda Novosibir polısıasyna Obrazsovtyń Qazaqstan aýmaǵynda júrgeni jaıly aqparat kelip tústi. Týystary ony fotosýretten tanydy. Aıta keteıik, ótken aptada otandyq jáne reseılik buqaralyq aqparat quraldary Obrazsovty reseılik fızık ǵalym dep atap, onyń úsh jyl boıy Qazaqstanda quldyqta ustalǵandyǵyn jazǵan bolatyn. Alaıda QR İİM bul aqparatty rastaǵan joq.
«Dáriger-mamandarmen sóıleskende ol óziniń Novosibir oblysyndaǵy psıhodıspanserde esepte turǵanyn aıtqan. Mamandar suraǵyna jaýap bergende Almatyǵa kelgen soń odan ári Tashkentke ketý týraly josparyn da jetkizgen. Ol bir aýyldan ekinshi aýylǵa birde jaıaý, birde túrli kólikke minip júre bergen. Eshkim ony kúshtep ustamaǵan. Úsh jyl boıy qaıda bolǵany, qaıda turǵany týraly suraqqa jaýap bere almaǵan. Sot-medısınalyq saraptama júrgizildi, onyń denesinen eshqandaı jaraqat anyqtalmady. Sotqa deıingi tergeý jalǵasýda», - dep jazǵan bolatyn QR İİM Memlekettik til jáne aqparat departamentiniń dırektory Almas Sadýbaev. Onyń aıtýysha, Iýrıı Obrazsov Almatyǵa 2014 jyly poıyzben kelgen
