Fılıpp Kvashnıý esimdi bala ómirdiń qatygezdigin 7 jasqa tolmaı jatyp sezindi. Birinshiden, ol anasynan aıyrylyp jartylaı jetim qaldy. Kóp ýaqyt ótpeı ómir balany taǵy synǵa aldy. Fılıpp shıpasy joq aýyr dertke shaldyqty.

Ózi Polshada dúnıege kelgenimen, búgingi kúni em alý úshin ákesimen Ulybrıtanıada turyp jatyr.  

Osydan 6 jyl buryn Fılıpptiń anasy qaterli isikten kóz jumdy. Endi, aýyr dertke balasy shaldyqty. Fılıpp hımıoterapıadan ótip júr, osyǵan deıin birneshe márte ota jasalǵan. Alaıda, bir de bireýi oń nátıje bere qoımaǵan. Dárigerler de úmitin úzdi. Olardyń endigi qolynan keletini balanyń aýrýyn sál bolsa da jeńildetý.

 Fılıpptiń denesinde janyn qınaıtyn suıyqtyq paıda boldy. Óziniń aman qalmasyn bilgen 7 jastaǵy perishte sońǵy tilegin aıtty. Bala júrek qaıtys bolǵan soń ózin anasynyń janyna jerlegenin qalaıdy eken. Buny bilgen Feısbýk qoldanýshylary balanyń Polshaǵa aýysýy úshin bar jaǵdaıdy qarastyryp júr.